Жителите од населбата Александрија во скопската населба Влае денеска ќе останат без вода поради изведба на водоводен приклучок на улицата „Ацо Шопов“ бр. 76.

Како што информираат од ЈП „Водовод и канализација“ – Скопје, прекинот на водоснабдувањето ќе започне во 9:00 часот и ќе трае сè до завршување на техничките активности на терен.

Од јавното претпријатие апелираат граѓаните навреме да се снабдат со потребните количини вода и упатуваат благодарност за разбирањето.