Балкан

Вучиќ ќе ја посети Украина за прв пат од почетокот на војната, само неколку дена по сериозните обвинувања од Москва

Претседателот на Србија, Александар Вучиќ, во среда ќе ја посети Украина, што ќе биде прва посета на српски државник откако во февруари 2022 година започна војната во Украина. Ова го соопшти српското претседателство.

„Претседателот на Република Србија ќе ја посети Украина на 11 јуни, каде ќе учествува на самитот Украина-Југоисточна Европа“, се наведува во соопштението.

До сега, ниту еден српски државник не ја посетил Украина откако Русија ја започна војната.

Посетата следува само неколку дена по сериозните обвинувања од Русија, која ги обвини српските компании за производство на оружје дека „пукаат во грб на Москва“ преку продажба на муниција на украинската страна. Иако присуството на српска муниција во Украина не е јавно потврдено, ниту целосно демантирано, ова предизвика дополнителна тензија.

Во меѓувреме, Вучиќ продолжува да балансира помеѓу историските односи со Русија и желбата за интеграција во Европската Унија. Пред неколку недели тој беше на Црвениот плоштад во Москва, каде учествуваше во прославата на 80-годишнината од поразот на нацистичка Германија.

Србија традиционално одржува блиски врски со Русија и има негативен став кон НАТО, поради бомбардирањето на Србија во 1999 година за време на конфликтот во Косово. И покрај притисокот од Европската Унија, Белград одбива да го прекине соработката со Москва и не воведе санкции против Русија, иако гласаше против воениот конфликт во резолуциите на ОН.

Дополнително, Србија е значајно зависна од Русија за снабдување со гас, кој го добива по поволни услови, што ја прави улогата на Москва особено важна во енергетскиот сектор на земјата.

Балкан

Пијан возач фатен со 200 км/ч

Припадници на Министерството за внатрешни работи на Србија денес околу 14 часот го запреа Д.В. (39) во Лозница, кој управуваше возило „суди“ со брзина од 200,8 километри на час на дел од патот Лозница – Шабац, каде што ограничувањето е 100 км/ч.

Со алкотестирање е утврдено дека возачот бил во тешка алкохолна интоксикација, со 1,41 промили алкохол во крвта.

Возачот веднаш бил исклучен од сообраќај и задржан во службените простории, а против него е поднесена прекршочна пријава за насилно возење и возење под дејство на алкохол.

Балкан

Вучиќ: Србија има гориво до 15 јануари

Српскиот претседател Александар Вучиќ увери дека Србија има обезбедено доволно керозин, мазут, дизел и бензин најмалку до 15 јануари, а можеби и до 25 јануари, обидувајќи се да ги смири граѓаните по информациите за проблеми во нафтената индустрија.

Иако државата веќе 70 дена функционира без увоз на нафта, Вучиќ истакна дека енергетскиот систем е стабилен и дека нема причина за паника пред претстојните празници. Тој сепак призна дека ситуацијата е комплицирана, особено поради статусот на Нафтната Индустрија Србија (НИС), за што Белград следната недела ќе испрати итни барања до американската канцеларија за контрола на странски средства (ОФАК) за добивање оперативна лиценца.

„Доволно керозин, мазут, дизел и бензин обезбедивме најмалку до 15 јануари, можеби и до 25 јануари. Никој не треба да се грижи, имаме безброј технички проблеми, но државата знае како да ги реши“, рече Вучиќ.

Претседателот потенцираше дека Србија нема да дозволи колапс на енергетскиот сектор и им се заблагодари на граѓаните за поддршката. „Ве уверувам дека ќе имате доволно од сè што е потребно за празниците. Ќе добивате навремени информации за секоја промена“, додаде тој.

Балкан

Тешка несреќа на Дурмитор: Турист загина по пад од жичара, жена тешко повредена

Трагичен инцидент се случи денеска на ски-центарот Савин Кук на Дурмитор, кога две лица – странски туристи – паднале од корпа на ски-лифт, при што едно лице го загуби животот, а друго се здоби со тешки повреди.

Несреќата се случила на жичара број два, во стрмниот втор дел од трасата што води кон Савин Кук. Според првичните информации, загинал маж, додека повредената жена е во свесна состојба и комуникативна.

На терен се ангажирани спасувачки и надлежни служби, кои вршат увид и ја утврдуваат причината за инцидентот. Првичните сознанија укажуваат на можен технички дефект во вториот дел од жичарата, по што корпата во која се наоѓале туристите започнала да се движи наназад.