Балкан

КОЈ Е РЕПРЕСИРАН – МАКЕДОНЦИТЕ ВО БУГАРИЈА ИЛИ БУГАРИТЕ ВО МАКЕДОНИЈА?

Став на ОМО „Илинден“ – Пирин

Додека Бугарија постојано ја обвинува Македонија за наводна репресија врз Бугарите, реалноста покажува сосема поинаква слика. Повторно се отвори прашањето за односите меѓу двете држави, откако Бугарија реагираше на пресудата против Љупчо Георгиевски, претседателот на клубот „Иван Михаилов“ – познат по иредентистички и про-фашистички ставови.

Реакциите од официјална Софија говорат за загриженост поради „репресија врз Бугарите“, но ваквите изјави се спротивни на фактичката состојба. Во Македонија, лицата со бугарска самосвест имаат пристап до политички, институционални и медиумски позиции. Во последните децении тие биле:

премиери, министри, амбасадори, директори; пратеници и лидери на политички партии; застапени во културниот и јавниот живот; регистрирале здруженија, имаат медиуми, присуствуваат во јавниот дискурс; редовно се попишуваат како Бугари; имаат целосна слобода на израз, сè додека не промовираат говор на омраза или негирање на македонскиот идентитет.

Истовремено, македонското малцинство во Бугарија е целосно непризнато. Македонците таму не можат:

да регистрираат здруженија; да се декларираат како Македонци на попис; да имаат свое политичко претставување; да го користат својот јазик или да имаат културни програми; да гледаат македонски медиуми; а македонската нација, јазик, црква и култура се негирани од официјалните институции во Софија.

Бугарија двапати стави вето на македонските евроинтеграции, условувајќи ја Македонија со прифаќање на историски и идентитетски наратив кој ја понижува македонската нација.

И додека Бугарија говорот на омраза кон Македонците го институционализира, го негира постоењето на македонско малцинство, и го гуши секој обид за самоидентификација – таа истовремено ја обвинува Македонија за „репресија“ само затоа што судството реагира кога се шират фашистички пораки.

Време е за реципрочност и еднаков третман. Добрососедството мора да се гради на почитување, а не на негирање и уцени. Македонците во Бугарија имаат исто право на постоење и достоинство, како и секое друго малцинство во Европа.

Балкан

Турскиот парламент во хаос: Пратеници се туркаат и тепаат за време на расправата за буџет

Дискусијата за предлог-буџетот за 2026 година во Големото национално собрание на Турција вчера прерасна во физички судир меѓу пратениците. По вербални напади и остри обвинувања, дебатата ескалираше до туркање и удирање меѓу парламентарците.

Инцидентот избувна откако пратеникот на владејачката Партија на правдата и развојот (АКП), Мустафа Варанк, изнесе провокативни изјави насочени кон лидерот на опозициската Републиканска народна партија (CHP), Озгур Озел. Варанк го нападна Озел поради фотографии направени на гробот на поранешниот пратеник Камер Генч, што предизвика бурна реакција од заменик-претседателот на пратеничката група на CHP, Гокхан Гунајдин.

„АКП намерно предизвикува контроверзии за време на расправата за буџетот“, рече Гунајдин, додека расправата прерасна во жестоки обвинувања поврзани со наследството на Мустафа Кемал Ататурк. По дополнителни провокации, напнатоста кулминираше со десетминутна физичка пресметка во пленарната сала, додека обезбедувањето и други пратеници се обидуваа да ги раздвојат учесниците.

И покрај инцидентот, пратениците продолжија со работата и го усвоија и предлог-законот за буџетот за 2026 година со 320 гласа „за“ и 249 „против“, како и завршната сметка за 2024 година со 316 гласа „за“ и 247 „против“.

Претседателот Реџеп Таип Ердоган го поздрави усвојувањето на буџетот за 2026 година, истакнувајќи: „Сакам предлог-законот за буџетот на централната држава за 2026 година, кој вечерва беше усвоен во Големото национално собрание на Турција, да биде од корист за нашата земја, нашиот народ и нашата економија“.

Brawl erupts in Turkish parliament on last day of budget talks

Балкан

Евзони под блокада: Граница затворена за сите возила

Од 18:40 часот Граничниот премин Евзони е целосно затворен за сите видови возила кои сакаат да влезат во Грција, соопшти АМСМ. Исклучок се прави само за камиони што веќе се наоѓаат во меѓуграничниот простор.

Причината за блокадата се протестите на грчките земјоделци, кои веќе неколку недели организираат масовни блокади на повеќе патни правци во земјата. Земјоделците изразуваат незадоволство и со овој радикален потег го изразуваат својот револт кон владејачките политики.

Иако на влезот кон Грција сообраќајот е стопиран, камерите на преминот Богородица покажуваат дека на излез од Македонија нема чекање – возилата слободно поминуваат кон границата.

Сообраќајот во овој момент е во потполна застојна состојба, а граѓаните и превозниците се соочуваат со неизвесност околу продолжувањето на преминот.

Балкан

Косово доби моќно оружје

Косово го примило германскиот противтенковски систем „Панцерфауст 3“ како дел од билатералната безбедносна соработка, објавија косовските медиуми. Испораката има за цел зајакнување на одбранбените капацитети на Косовските безбедносни сили (КБС) и нивна постепена модернизација во согласност со стандардите на евроатлантските партнери.

Косовските власти потенцираат дека системот ќе се користи исклучиво за одбранбени цели и професионална обука. „Панцерфауст 3“ е еден од најнапредните противтенковски системи што ги користат неколку европски армии. Договорот со Германија се оценува како дополнителен доказ за поддршката на Берлин за стабилноста и безбедноста во регионот.