Израелскиот премиер Бенјамин Нетанјаху денеска ја посети болницата „Сорока“ во Беер Шева, која беше погодена утрово од иранска ракета, и пред медиумите истакна дека целата нација ја чувствува тежината на тековниот конфликт.

„Целиот израелски народ ја плаќа цената. Се соочуваме со удари, но ги издржуваме со неверојатна храброст. Цената не е само колективна, туку и лична – луѓе се повредени, семејства ги изгубија најблиските. Секој од нас го носи својот дел од товарот, а моето семејство не е исклучок“, изјави Нетанјаху.

Тој откри дека неговиот син Авнер по вторпат морал да го одложи венчавањето поради безбедносната состојба и ракетните закани.

„Тоа е лична жртва и за неговата свршеница. Сакам да напомeнам дека мојата сакана сопруга е вистинска хероина – таа го носи својот дел од оваа болна реалност“, додаде премиерот.

Посетата на Нетанјаху следува по новиот бран напади од страна на Иран, кои предизвикаа сериозни штети и нова ескалација на регионалните тензии.