Магазин

Милијардерот Павел Дуров има над 100 деца во 12 земји – ќе наследат дел од неговото богатство, но не веднаш

Основачот и извршен директор на „Телеграм“, Павел Дуров, откри дека има над 100 деца во 12 земји и дека сите ќе добијат дел од неговото милијардерско наследство – но дури по 30 години.

Во интервју за францускиот весник Le Point, Дуров изјави дека е биолошки татко на шест деца од три различни врски, но дека преку донации на сперма станал татко на уште многу деца ширум светот.

„Не правам разлика меѓу нив. Без разлика дали се зачнати природно или преку донација – сите се мои деца и ќе имаат исти права“, изјави тој за Business Insider, додавајќи дека не сака по неговата смрт да се водат борби околу наследството.

Рускиот претприемач, чие богатство Bloomberg го проценува на речиси 14 милијарди долари, откри дека неодамна напишал тестамент во кој е наведено дека неговите деца нема да добијат пристап до имотот сѐ додека не поминат 30 години. „Сакам сами да го изградат својот пат, без да зависат од банкарска сметка“, рече тој.

Дуров, кој го основа Телеграм во 2013 година, откако претходно стоеше зад руската мрежа VK, денес раководи со платформа која има околу една милијарда активни корисници. Тој беше уапсен во Франција минатата година, обвинет за наводно олеснување криминални активности преку апликацијата, но ги негира сите обвиненија.

Во интервју за Такер Карлсон, тој рече дека сѐ уште не може слободно да патува поради правните компликации. Запрашан за споредбите со Илон Маск, Дуров одговори: „Ние сме многу различни – тој води неколку компании, јас само една. Тој е емотивен, јас внимателен. Но, можеби токму емоциите се неговата сила“.

Како и Дуров, и Маск има повеќе деца – извршната директорка на „Неуралинк“, Сивон Зилис, во март објави дека има четврто дете со него.

Магазин

Transmission – Музичка вечер со Васил Хаџиманов и Александар Петров

Transmission е музички концепт во кој тапанот ги спојува традицијата и денешницата, акустичната и електронската музика.

20 години од музичката симбиоза и пријателство (по Кавадаречка линија), Александар Петров заедно со Васил Хадџиманов преку проектот Transmission ги сплотуваат традиционалното и модерното преку звукот на тапанот и електронската музика.

Составен од два дела, првиот посветен на нивните херои од детството Никола Бадев, Кирил Манчевски и Зафир Хадџиманов во придружба на единствената Тања Царовска, додека вториот ќе раскаже еден понов период на творење осврнат кон електронската музика, која некои љубители, познавачи и издавачи ја означуваат како ORGANIC – PROGRESSIVE – HOUSE.

Музика во живо со: ХАЏИМАНОВ – ЦАРОВСКА – ПЕТРОВ – ВАСИЉЕВИЧ – ШАРЕВСКИ

Почеток во 20 часот, во Станица 26 na 24 Dekmvri

Картите по цена од 1000 денари се продаваат во THREE BAR & KITCHEN, Soma и Чашка

Магазин

Светот на диетите се менува: Пристигнува првата таблета за слабеење

Американската агенција за храна и лекови (ФДА) го одобри првиот лек за слабеење во облик на таблета, означувајќи значајна пресвртница во третманот на прекумерната телесна тежина. Информацијата ја објави данската фармацевтска компанија Novo Nordisk, производителот на лекот.

Новата таблета се зема еднаш дневно, а според компанијата, дава ист ефект како досегашната неделна инјекција. За разлика од други лекови за слабеење кои првично биле создадени за пациенти со дијабетес тип 2, овој лек е од почеток развиен исклучиво за губење на тежината.

Клиничките испитувања со приближно 1.300 учесници покажале импресивни резултати: во просек, корисниците изгубиле 16,6% од телесната тежина, додека околу една третина од нив успеале да намалат дури 20% или повеќе. „Пациентите ќе добијат практична таблета што се зема еднаш дневно и може да помогне да се изгуби исто толку тежина како и со оригиналната инјекција“, изјави извршниот директор на компанијата.

Очекувањата се дека таблетата ќе се појави на американскиот пазар почетокот на јануари 2026 година. Одобрувањето веднаш предизвика позитивен шок на берзата – акциите на Novo Nordisk пораснаа речиси 10% по затворањето на тргувањето во Њујорк.

Во Европа, лекот сè уште е достапен само како неделна инјекција и тоа со лекарски рецепт во одредени земји. Таблетата за европскиот пазар сè уште не е одобрена, а регулаторната одлука се очекува најрано во втората половина на 2026 година.

Магазин

Мега забавен парк од 1,1 милијарда долари „Дракула Ленд“ се отвора во Романија

Романија ја трансформира својата најпозната легенда во глобална туристичка атракција. Во близина на Букурешт е потврден изградбата на „Дракула Ленд“, мега-забавен комплекс вреден 1,1 милијарда долари, кој ќе биде целосно финансиран од приватни инвеститори.

На површина од 192 акри, новиот мега-парк ќе понуди над 40 атракции распоредени во шест тематски зони, инспирирани од легендата за Дракула и богатиот романски фолклор. Но „Дракула Ленд“ нема да биде само забавен парк – проектот предвидува луксузни хотели, арени за е-спорт, огромни концертни и шоу-простори, како и содржини за дневни и ноќни активности, привлекувајќи туристи од целиот свет.

Со оваа амбициозна инвестиција, Романија се стреми да создаде целосна туристичка дестинација што ќе се натпреварува со најпознатите европски тематски паркови. Изградбата е закажана да започне во септември 2026 година, а отворањето се планира веќе во 2027 година, доколку се следи планираниот ритам.

Со овој проект, Романија не само што сака да го оживее својот најпознат мит, туку и да се позиционира како една од водечките забавни и туристички дестинации во Европа, привлекувајќи милиони посетители секоја година.