Балкан

Жителите во Далмација зборуваат за пироман на мотор кој подметнувал пожари

Пожарот кај Омиш излегол од контрола – жителите зборуваат за пироман на мотор

Пожарот што рано утрово избувна во регионот помеѓу Писак и Марушиќи, источно од Омиш, се шири со голема брзина и моментално е надвор од контрола, потврдија од Доброволното противпожарно друштво (ДВД) Омиш.

„Ситуацијата е драматична – пожарот се разгорува и немаме контрола. Спасуваме куќа по куќа“, изјави командантот на ДВД Омиш, Вишеслав Пешиќ, за агенцијата Хина, нагласувајќи дека пламенот се шири кон Писак и самиот Омиш. „Сè е загрозено“, предупреди тој.

На терен се распоредени сите доброволни и јавни противпожарни единици од Сплитско-далматинската жупанија, кои се борат со исклучително тешки услови – густа вегетација и силен ветер што го насочува огнот кон населените места.

Сомнеж за намерно подметнување

Жителите на погодените подрачја сведочат дека пожарот избувнал во близина на куќите, а дел од очевидците тврдат дека во пламенот изгореле и неколку возила. Особена загриженост предизвикуваат тврдењата на мештаните дека можеби станува збор за подметнат пожар.

„Се зборува дека последниве денови низ местото се гледа човек на мотор кој подметнува оган“, изјавил еден од мештаните.

Тој додал дека домовите се опкружени со борови шуми, што дополнително го олеснува брзото и неконтролирано ширење на огнот.

Засега нема информации за повредени лица, но ситуацијата е сериозна и се менува од минута во минута. Противпожарните служби вложуваат натчовечки напори за да ги одбранат населените места, додека граѓаните сами се обидуваат да ги заштитат своите домови, пишува Index.hr.

Балкан

Турскиот парламент во хаос: Пратеници се туркаат и тепаат за време на расправата за буџет

Дискусијата за предлог-буџетот за 2026 година во Големото национално собрание на Турција вчера прерасна во физички судир меѓу пратениците. По вербални напади и остри обвинувања, дебатата ескалираше до туркање и удирање меѓу парламентарците.

Инцидентот избувна откако пратеникот на владејачката Партија на правдата и развојот (АКП), Мустафа Варанк, изнесе провокативни изјави насочени кон лидерот на опозициската Републиканска народна партија (CHP), Озгур Озел. Варанк го нападна Озел поради фотографии направени на гробот на поранешниот пратеник Камер Генч, што предизвика бурна реакција од заменик-претседателот на пратеничката група на CHP, Гокхан Гунајдин.

„АКП намерно предизвикува контроверзии за време на расправата за буџетот“, рече Гунајдин, додека расправата прерасна во жестоки обвинувања поврзани со наследството на Мустафа Кемал Ататурк. По дополнителни провокации, напнатоста кулминираше со десетминутна физичка пресметка во пленарната сала, додека обезбедувањето и други пратеници се обидуваа да ги раздвојат учесниците.

И покрај инцидентот, пратениците продолжија со работата и го усвоија и предлог-законот за буџетот за 2026 година со 320 гласа „за“ и 249 „против“, како и завршната сметка за 2024 година со 316 гласа „за“ и 247 „против“.

Претседателот Реџеп Таип Ердоган го поздрави усвојувањето на буџетот за 2026 година, истакнувајќи: „Сакам предлог-законот за буџетот на централната држава за 2026 година, кој вечерва беше усвоен во Големото национално собрание на Турција, да биде од корист за нашата земја, нашиот народ и нашата економија“.

Brawl erupts in Turkish parliament on last day of budget talks

Балкан

Евзони под блокада: Граница затворена за сите возила

Од 18:40 часот Граничниот премин Евзони е целосно затворен за сите видови возила кои сакаат да влезат во Грција, соопшти АМСМ. Исклучок се прави само за камиони што веќе се наоѓаат во меѓуграничниот простор.

Причината за блокадата се протестите на грчките земјоделци, кои веќе неколку недели организираат масовни блокади на повеќе патни правци во земјата. Земјоделците изразуваат незадоволство и со овој радикален потег го изразуваат својот револт кон владејачките политики.

Иако на влезот кон Грција сообраќајот е стопиран, камерите на преминот Богородица покажуваат дека на излез од Македонија нема чекање – возилата слободно поминуваат кон границата.

Сообраќајот во овој момент е во потполна застојна состојба, а граѓаните и превозниците се соочуваат со неизвесност околу продолжувањето на преминот.

Балкан

Косово доби моќно оружје

Косово го примило германскиот противтенковски систем „Панцерфауст 3“ како дел од билатералната безбедносна соработка, објавија косовските медиуми. Испораката има за цел зајакнување на одбранбените капацитети на Косовските безбедносни сили (КБС) и нивна постепена модернизација во согласност со стандардите на евроатлантските партнери.

Косовските власти потенцираат дека системот ќе се користи исклучиво за одбранбени цели и професионална обука. „Панцерфауст 3“ е еден од најнапредните противтенковски системи што ги користат неколку европски армии. Договорот со Германија се оценува како дополнителен доказ за поддршката на Берлин за стабилноста и безбедноста во регионот.