Балкан

Не стигна ни до плажа, а веќе остана без 500 евра: Србин казнет поради една порака – ова правило во Грција туристите масовно го кршат

Новите правила за сообраќајна безбедност во Грција, што стапија на сила на 15 јуни 2025 година, веќе почнаа да носат непријатни изненадувања за туристите – особено за оние кои не се запознаени со рестрикциите за користење мобилен телефон додека возат.

Еден турист од Србија, кој се движел низ популарно грчко летувалиште, добил казна од 500 евра само затоа што на кратко погледнал во телефонот за да ѝ испрати порака „Стижам“ на својата сопруга. Како што раскажува, не разговарал, ниту подолго пишувал, но бил снимен од новите „паметни камери“ поставени на патиштата ширум Грција.

„Само ја видов пораката и испратив ‘Стижам’. Ништо повеќе. А полицаецот ми кажа дека сум снимен и дека казната е 500 евра“, вели туристот од Белград.

Според новиот Закон за сообраќајна безбедност, секое користење мобилен телефон за време на возење – вклучително и праќање пораки, проверка на мапа или едноставно држење на телефонот – се смета за прекршок. Казната изнесува 500 евра, а можно е и одземање на возачката дозвола за 30 дена.

Законот важи и кога возилото стои, на пример, на семафор или во колона. Грчките власти немаат разбирање – изговорите не се прифаќаат.

Инсталираните паметни камери автоматски ги детектираат движењата, положбата на рацете и погледот кон екранот, па казните често се испраќаат дури и без полициска контрола. Туристите се посебно таргетирани, бидејќи се сметаат за најризична група во летниот период.

Дозволено е користење handsfree систем без допирање на телефонот, како и користење интегрирана навигација во возилото. Но, секое држење на мобилен во рака, читање пораки или отворање мапа – ве носи директно во ризик од казна.

Многу туристи на социјалните мрежи сведочат дека една порака им го „избришала“ буџетот за летување. Затоа, доколку патувате во Грција ова лето – телефон во раце само кога не сте зад воланот.

Балкан

Пијан возач фатен со 200 км/ч

Припадници на Министерството за внатрешни работи на Србија денес околу 14 часот го запреа Д.В. (39) во Лозница, кој управуваше возило „суди“ со брзина од 200,8 километри на час на дел од патот Лозница – Шабац, каде што ограничувањето е 100 км/ч.

Со алкотестирање е утврдено дека возачот бил во тешка алкохолна интоксикација, со 1,41 промили алкохол во крвта.

Возачот веднаш бил исклучен од сообраќај и задржан во службените простории, а против него е поднесена прекршочна пријава за насилно возење и возење под дејство на алкохол.

Балкан

Вучиќ: Србија има гориво до 15 јануари

Српскиот претседател Александар Вучиќ увери дека Србија има обезбедено доволно керозин, мазут, дизел и бензин најмалку до 15 јануари, а можеби и до 25 јануари, обидувајќи се да ги смири граѓаните по информациите за проблеми во нафтената индустрија.

Иако државата веќе 70 дена функционира без увоз на нафта, Вучиќ истакна дека енергетскиот систем е стабилен и дека нема причина за паника пред претстојните празници. Тој сепак призна дека ситуацијата е комплицирана, особено поради статусот на Нафтната Индустрија Србија (НИС), за што Белград следната недела ќе испрати итни барања до американската канцеларија за контрола на странски средства (ОФАК) за добивање оперативна лиценца.

„Доволно керозин, мазут, дизел и бензин обезбедивме најмалку до 15 јануари, можеби и до 25 јануари. Никој не треба да се грижи, имаме безброј технички проблеми, но државата знае како да ги реши“, рече Вучиќ.

Претседателот потенцираше дека Србија нема да дозволи колапс на енергетскиот сектор и им се заблагодари на граѓаните за поддршката. „Ве уверувам дека ќе имате доволно од сè што е потребно за празниците. Ќе добивате навремени информации за секоја промена“, додаде тој.

Балкан

Тешка несреќа на Дурмитор: Турист загина по пад од жичара, жена тешко повредена

Трагичен инцидент се случи денеска на ски-центарот Савин Кук на Дурмитор, кога две лица – странски туристи – паднале од корпа на ски-лифт, при што едно лице го загуби животот, а друго се здоби со тешки повреди.

Несреќата се случила на жичара број два, во стрмниот втор дел од трасата што води кон Савин Кук. Според првичните информации, загинал маж, додека повредената жена е во свесна состојба и комуникативна.

На терен се ангажирани спасувачки и надлежни служби, кои вршат увид и ја утврдуваат причината за инцидентот. Првичните сознанија укажуваат на можен технички дефект во вториот дел од жичарата, по што корпата во која се наоѓале туристите започнала да се движи наназад.