Свет

Се остваруваат најлошите прогнози за Русија: Путин го очекува најцрното сценарио досега – дали рускиот претседател ќе успее да го издржи ова?

Се остваруваат мрачните прогнози – Русија полека тоне во економски хаос

Мрачните предупредувања на руските независни економисти кон крајот на 2024 година сè повеќе се потврдуваат. Руската економија се соочува со сериозни проблеми, кои дури ни официјалните власти веќе не можат да ги прикријат.

На Меѓународниот економски форум во Санкт Петербург, министерот за економија Максим Решетников и гувернерката на Централната банка на Русија, Елвира Набиулина – која важи за финансискиот стратег на претседателот Владимир Путин – отворено признаа: „Русија е на работ на рецесија. Ресурсите кои го поттикнуваа економскиот раст се веќе исцрпени.“

Иако Путин во април триумфално објави раст на БДП во 2025 година, според извештаите на независниот портал „Москов тајмс“, средствата од Фондот за национална благосостојба се намалени трикратно во текот на три години војна. Златните резерви, кои пред војната изнесуваа над 400 тони, денес се сведени на околу 139,5 тони.

Пад на БДП, раст на инфлацијата

Официјалните податоци покажуваат пад на бруто домашниот производ од 4,1% на 1,4% само во првиот квартал од 2025 година, со очекувања за дополнително опаѓање. Истовремено, инфлацијата се приближува до 10%, што е алармантен сигнал. Министерот Решетников предупреди: „Ако не ја задржиме инфлацијата под 4%, нè чека турското сценарио“, алудирајќи на хроничната хиперинфлација во Турција.

Независните аналитичари нагласуваат дека досегашната стабилност на инфлацијата се должела исклучиво на државна интервенција, која сега е на својот крај. Според „Новаја газета Европа“, економските советници на Кремљ отворено го предупредуваат Путин: „Избери – или војна, или економија.“

Рецесијата е веќе тука

Според извештајот на Центарот за макроекономска анализа и краткорочно предвидување, индустријата стагнира, особено надвор од воено-индустрискиот комплекс. Ситуацијата во земјоделството е особено алармантна, со три последователни години на пад. И покрај тоа што Русија бележи рекордно ниска стапка на невработеност (2,3%), индустријата се соочува со дефицит од над два милиони квалификувани работници, главно поради мобилизација и масовна емиграција.

Буџетот под товарот на војната

Повеќе од 40% од рускиот државен буџет е насочен кон воени потреби – повеќе отколку што САД трошел на врвот од Студената војна. Ова ја потврдува и претходната прогноза на д-р Игор Липшиц дека Русија во 2025 нема да може да им обезбеди на граѓаните и „топови и путер“.

Покрај тоа, Русија се надева дека ескалацијата на конфликтот меѓу Израел и Иран ќе предизвика скок на цените на нафтата над 100 долари за барел, со што би се наполниле буџетските резерви. Но, засега тоа сценарио останува неизвесно.

Драматични пораки и (не)реални решенија

Некои руски функционери, како заменик-претседателот на Думскиот комитет за економска политика Михаил Дељагин, нудат контроверзни решенија – апсење на „економски криминалци“ како мерка за спас на економијата. Дали ова ќе помогне, останува да се види.

Она што е сигурно е дека Русија се соочува со историски предизвик. Економијата, исцрпена од санкции, трошоци за војна и интервенционизам, се приближува до точка од која нема враќање. И сè погласно е прашањето: може ли Путин да продолжи со војната без целосен економски колапс?

Свет

Зеленски во божиќно обраќање: Украина се моли за мир

Украинскиот претседател Володимир Зеленски им се обрати на граѓаните во пресрет на Божиќ, порачувајќи дека Украинците и четврта година по ред, и покрај војната, остануваат обединети во одбраната на својата земја.

Тој нагласи дека Бадниковата вечер е симбол на заедништво и припадност, иако војната се обидува да им го одземе чувството на мир, дом и семејна топлина. Зеленски истакна дека токму тие вредности денес се бранат – земјата, семејствата и правото на живот во мир.

Претседателот призна дека Божиќ доаѓа во исклучително тежок период и дека не сите граѓани вечерва се дома, ниту сите имаат дом. Сепак, подвлече дека Украинците, без разлика дали се во Киев, Одеса, Закарпатија или во близина на фронтот, го одбележуваат празникот заедно, како едно семејство.

Во обраќањето се осврна и на новите масовни руски напади во пресрет на Божиќ, со дронови и ракети, нагласувајќи дека и покрај тоа Украина опстојува.

Зеленски рече дека се моли за украинските војници, за враќање на заробените, за загинатите и за сите протерани, како и за оние кои, и во најтешките околности, не ја изгубиле Украина во себе.

„Се бориме за мир, се молиме за мир и го заслужуваме“, порача Зеленски, честитајќи им Божиќ на граѓаните со зборовите: „Христос се роди! Да го славиме!“.

Свет

Смртоносна експлозија во јужна Москва: Загинаа двајца полицајци и уште едно лице

Двајца сообраќајни полицајци и уште едно лице загинаа во експлозија на автомобил во јужниот дел на Москва, соопшти Истражниот комитет на Русија. Инцидентот се случил рано изутринава на улицата „Елецка“, кога полициските службеници се приближиле до лице кое го сметале за сомнително.

Според официјалните информации, во моментот на интервенцијата била активирана експлозивна направа, по што следела силна детонација. Местото веднаш било обезбедено, а истражните служби започнале со преглед на снимки од надзорните камери и собирање докази.

Снимки прикажани на руските медиуми покажаа оградена зона со засилено полициско присуство, додека сведоци изјавиле дека експлозијата се случила околу 1:30 часот по локално време.

Инцидентот доаѓа само неколку дена по убиството на висок руски воен функционер, генерал-потполковник Фанил Сарваров, кој загина кога бомба експлодираше под неговиот автомобил во друг дел од јужна Москва. Руските истражители тој настан го окарактеризираа како можен атентат.

Руски претставници и воени коментатори веќе повикаа на остра реакција, оценувајќи дека станува збор за трет сериозен бомбашки напад во Москва во изминатата година поврзан со безбедносни цели.

Свет

Проруска хакерска група ја презеде одговорноста за нападот врз Француската пошта

Проруската хакерска група „Нонејм057“ (Noname057) ја презеде одговорноста за кибернападот врз Француската пошта, кој пред два дена го парализираше работењето на централните компјутерски системи. Нападот од типот ДДоС (DDoS) доведе до откажување на сите испораки на пакети и писма, како и прекин на онлајн банкарските плаќања.

Групата „Нонејм057“ е обвинета и за други напади во Европа, меѓу кои и нападот врз Самитот на НАТО во Холандија, кој се одржа во јуни оваа година.

Франција и нејзините европски сојузници го поврзуваат ваквото дејствување со т.н. хибридна војна на Русија, насочена кон создавање поделби во западните општества и поткопување на поддршката за Украина.