Балкан

Турист скокна од Стариот мост во Мостар – за малку избегна трагедија, па беше физички нападнат [ВИДЕО]

Инцидент со вознемирувачка содржина се случи во Мостар, каде странски турист самостојно скокна од познатиот Стари мост во реката Неретва, предизвикувајќи остри реакции кај присутните локални жители. Според медиумските извештаи, туристот изведе скок без претходна најава и стручна подготовка, при што паднал само неколку метри оддалеченост од гумен чамец во кој се наоѓале луѓе.

Откако излезе од реката, неколку лица го нападнаа физички, обвинувајќи го дека со својот „нестручен скок“ ја загрозил безбедноста и покажал непочитување кон долготрајната мостарска традиција. Ситуацијата дополнително ескалирала на брегот, каде што се разменувале навреди, пцовки и физички удари, пренесува Слободна Далмација.

Настанот бил снимен со мобилен телефон и видеото прво беше објавено од порталот Crna-Hronika, по што експресно се прошири на социјалните мрежи, предизвикувајќи бурни реакции меѓу корисниците – од осуда на насилството, до критики кон туристот поради неговото однесување.

Скокањето од Стариот мост е еден од највпечатливите симболи на Мостар и важен дел од културното наследство на Босна и Херцеговина. Секоја година, најчесто кон крајот на јули, таму се одржува меѓународен натпревар во скокови кој собира професионални спортисти, локални скокачи и илјадници посетители.

Организаторите постојано предупредуваат дека скоковите од оваа над 20 метри висока градба претставуваат сериозен ризик и бараат долгогодишна подготовка, искуство и изведување под стручна контрола. Температурата на реката Неретва, дури и во лето, останува мошне ниска, што дополнително го зголемува ризикот од сериозни последици.

Инцидентот повторно ја отвори дебатата за потребата од построга регулација и едукација на туристите во врска со оваа специфична локална традиција.

Turista skočio sa Starog Mosta, Mostarci ga pretukli pic.twitter.com/O8ASgYKAg5

— Doznajemo (@Doznajemo) June 27, 2025

Балкан

Пијан возач фатен со 200 км/ч

Припадници на Министерството за внатрешни работи на Србија денес околу 14 часот го запреа Д.В. (39) во Лозница, кој управуваше возило „суди“ со брзина од 200,8 километри на час на дел од патот Лозница – Шабац, каде што ограничувањето е 100 км/ч.

Со алкотестирање е утврдено дека возачот бил во тешка алкохолна интоксикација, со 1,41 промили алкохол во крвта.

Возачот веднаш бил исклучен од сообраќај и задржан во службените простории, а против него е поднесена прекршочна пријава за насилно возење и возење под дејство на алкохол.

Балкан

Вучиќ: Србија има гориво до 15 јануари

Српскиот претседател Александар Вучиќ увери дека Србија има обезбедено доволно керозин, мазут, дизел и бензин најмалку до 15 јануари, а можеби и до 25 јануари, обидувајќи се да ги смири граѓаните по информациите за проблеми во нафтената индустрија.

Иако државата веќе 70 дена функционира без увоз на нафта, Вучиќ истакна дека енергетскиот систем е стабилен и дека нема причина за паника пред претстојните празници. Тој сепак призна дека ситуацијата е комплицирана, особено поради статусот на Нафтната Индустрија Србија (НИС), за што Белград следната недела ќе испрати итни барања до американската канцеларија за контрола на странски средства (ОФАК) за добивање оперативна лиценца.

„Доволно керозин, мазут, дизел и бензин обезбедивме најмалку до 15 јануари, можеби и до 25 јануари. Никој не треба да се грижи, имаме безброј технички проблеми, но државата знае како да ги реши“, рече Вучиќ.

Претседателот потенцираше дека Србија нема да дозволи колапс на енергетскиот сектор и им се заблагодари на граѓаните за поддршката. „Ве уверувам дека ќе имате доволно од сè што е потребно за празниците. Ќе добивате навремени информации за секоја промена“, додаде тој.

Балкан

Тешка несреќа на Дурмитор: Турист загина по пад од жичара, жена тешко повредена

Трагичен инцидент се случи денеска на ски-центарот Савин Кук на Дурмитор, кога две лица – странски туристи – паднале од корпа на ски-лифт, при што едно лице го загуби животот, а друго се здоби со тешки повреди.

Несреќата се случила на жичара број два, во стрмниот втор дел од трасата што води кон Савин Кук. Според првичните информации, загинал маж, додека повредената жена е во свесна состојба и комуникативна.

На терен се ангажирани спасувачки и надлежни служби, кои вршат увид и ја утврдуваат причината за инцидентот. Првичните сознанија укажуваат на можен технички дефект во вториот дел од жичарата, по што корпата во која се наоѓале туристите започнала да се движи наназад.