Магазин

Четири хороскопски знаци ги очекува огромно богатство – клучен датум, 12 јули

Паричен прилив за четири хороскопски знаци до 12 јули – еден знак со зголемени шанси на игри на среќа

Планетарните влијанија во текот на јули носат поволности на финансиски план за четири хороскопски знаци, а еден од нив може да очекува и среќа на игрите на среќа.

Со влегувањето на Уран во знакот Близнаци на 7 јули, започнува период на длабоки промени во начинот на комуникација, но и во начинот на кој се примаат информации. Излегувањето на Уран од Бик, пак, носи поголема стабилност на финансиските пазари и помалку осцилации, што е добредојден пресврт по неколкуте турбулентни години.

Астролозите предвидуваат дека до 12 јули најголем финансиски успех ќе почувствуваат Лавовите, Овните, Близнаците и Раковите.

Лав

Под влијание на Марс во Девица, Лавовите може да очекуваат стабилен паричен прилив, особено преку самостојни бизниси или работа што бара внимание на детали. Периодов е исклучително поволен за оние кои се занимаваат со услужни дејности или аналитички професии.

Овен

Венера во Близнаци носи нови можности за финансиски преговори. Овните може да очекуваат помала, но значајна добивка која ќе им помогне во подобрување на личната финансиска состојба.

Близнаци

Јупитер, кој моментално го осветлува нивното поле на финансии, носи можности за унапредување, покачување или успешна реализација на нови договори. Во соработка со Раковите, Близнаците може да остварат значајни финансиски резултати.

Рак

Раковите важат за едни од најсреќните знаци овој месец. Поддршката од Јупитер носи неочекувани, но позитивни парични приливи. Финансиската добивка ќе доаѓа од повеќе извори и ќе се развива стабилно.

Шкорпија – сојузник на среќата

Иако не е меѓу првите четири знаци со директен финансиски прилив, Шкорпијата има зголемени шанси во игрите на среќа. Периодов е идеален за испробување на лотарии или други видови на среќни игри – со умереност и внимателност.

Магазин

Transmission – Музичка вечер со Васил Хаџиманов и Александар Петров

Transmission е музички концепт во кој тапанот ги спојува традицијата и денешницата, акустичната и електронската музика.

20 години од музичката симбиоза и пријателство (по Кавадаречка линија), Александар Петров заедно со Васил Хадџиманов преку проектот Transmission ги сплотуваат традиционалното и модерното преку звукот на тапанот и електронската музика.

Составен од два дела, првиот посветен на нивните херои од детството Никола Бадев, Кирил Манчевски и Зафир Хадџиманов во придружба на единствената Тања Царовска, додека вториот ќе раскаже еден понов период на творење осврнат кон електронската музика, која некои љубители, познавачи и издавачи ја означуваат како ORGANIC – PROGRESSIVE – HOUSE.

Музика во живо со: ХАЏИМАНОВ – ЦАРОВСКА – ПЕТРОВ – ВАСИЉЕВИЧ – ШАРЕВСКИ

Почеток во 20 часот, во Станица 26 na 24 Dekmvri

Картите по цена од 1000 денари се продаваат во THREE BAR & KITCHEN, Soma и Чашка

Магазин

Светот на диетите се менува: Пристигнува првата таблета за слабеење

Американската агенција за храна и лекови (ФДА) го одобри првиот лек за слабеење во облик на таблета, означувајќи значајна пресвртница во третманот на прекумерната телесна тежина. Информацијата ја објави данската фармацевтска компанија Novo Nordisk, производителот на лекот.

Новата таблета се зема еднаш дневно, а според компанијата, дава ист ефект како досегашната неделна инјекција. За разлика од други лекови за слабеење кои првично биле создадени за пациенти со дијабетес тип 2, овој лек е од почеток развиен исклучиво за губење на тежината.

Клиничките испитувања со приближно 1.300 учесници покажале импресивни резултати: во просек, корисниците изгубиле 16,6% од телесната тежина, додека околу една третина од нив успеале да намалат дури 20% или повеќе. „Пациентите ќе добијат практична таблета што се зема еднаш дневно и може да помогне да се изгуби исто толку тежина како и со оригиналната инјекција“, изјави извршниот директор на компанијата.

Очекувањата се дека таблетата ќе се појави на американскиот пазар почетокот на јануари 2026 година. Одобрувањето веднаш предизвика позитивен шок на берзата – акциите на Novo Nordisk пораснаа речиси 10% по затворањето на тргувањето во Њујорк.

Во Европа, лекот сè уште е достапен само како неделна инјекција и тоа со лекарски рецепт во одредени земји. Таблетата за европскиот пазар сè уште не е одобрена, а регулаторната одлука се очекува најрано во втората половина на 2026 година.

Магазин

Мега забавен парк од 1,1 милијарда долари „Дракула Ленд“ се отвора во Романија

Романија ја трансформира својата најпозната легенда во глобална туристичка атракција. Во близина на Букурешт е потврден изградбата на „Дракула Ленд“, мега-забавен комплекс вреден 1,1 милијарда долари, кој ќе биде целосно финансиран од приватни инвеститори.

На површина од 192 акри, новиот мега-парк ќе понуди над 40 атракции распоредени во шест тематски зони, инспирирани од легендата за Дракула и богатиот романски фолклор. Но „Дракула Ленд“ нема да биде само забавен парк – проектот предвидува луксузни хотели, арени за е-спорт, огромни концертни и шоу-простори, како и содржини за дневни и ноќни активности, привлекувајќи туристи од целиот свет.

Со оваа амбициозна инвестиција, Романија се стреми да создаде целосна туристичка дестинација што ќе се натпреварува со најпознатите европски тематски паркови. Изградбата е закажана да започне во септември 2026 година, а отворањето се планира веќе во 2027 година, доколку се следи планираниот ритам.

Со овој проект, Романија не само што сака да го оживее својот најпознат мит, туку и да се позиционира како една од водечките забавни и туристички дестинации во Европа, привлекувајќи милиони посетители секоја година.