Република

Битола започнува постапка за физибилити студија за изградба на гондола од Дихово до врв Пелистер

Со оглед на привлечноста на Македонија како туристичката дестинација и зголемувањето на посетителите во последните години, општина Битолa бара алтернативи за проширување на својата туристичката понуда. Oбластите на изработка на студија за оваа развојна шема се: врвот Пелистер, постоечките ски центри на Пелистер и развој на Баба Планина како дестинација за сите 4 сезони.

Содржината на физибилити студијата опфаќа: Мапирање на проектот, со анализа на различни можности/решенија, Идентификување на потенцијални летни и зимски активности во областа, Анализа на предности/недостатоци, Планирање и усогласувањето на жичарниците за да се опфатат сите патеки на скијачкиот центар (стратегија за проток и врски), Опис на опремата на жичарниците (технологија, капацитет, перформанси…) во согласност со потенцијалот за развој на зимските и летните активности, Изработка на цртежи на инфраструктурата на жичарницата (станици, кули, …), вклучувајќи проект на линија (профил на линија) и пресметковна белешка, Проценка на потребите за енергија на секоја локација, Техничка спецификација за изградба на жичари, Истражување за лавини, Пристап кон бизнис план, особено за трошоците за работа на лифтот, Оправданоста на изводливоста на предложената инфраструктура да биде изработена со софтверска програма за линијата на жичарата, Можности што ќе бидат промовирани од проектот.

Конечната испорака мора да се заврши во рок од 6 месеци од потпишувањето на договор за извршување на услугата.

Деталите и критерииумите за избор на понудувач за изработка на физибилити студија за гондола, достапни се на електронскиот систем за јавни набавки на следниот линк https://e-nabavki.gov.mk/PublicAccess/home.aspx#/dossie/6f8f2503-8b44-46ff-83ce-1dc5738607c3/14.

Република

Четири тетовски села утре ќе бидат без струја

Дел од тетовските села Цепчиште, Јажинце, Доброште и Слатино утре, 23 декември 2025 година, ќе бидат без електрична енергија поради планирани прекини во дистрибутивната мрежа.

Според најавата, прекинот ќе трае од 09:00 до 14:00 часот. Во селото Џепчиште без струја ќе останат објекти кои се наоѓаат кон центарот на селото, додека во Јажинце прекинот ќе ги зафати објектите во близина на џамијата. Во Доброште и Слатино без напојување ќе бидат делови од селата, согласно планираните активности.

Од надлежните апелираат граѓаните навреме да ги планираат своите обврски и да преземат потребни мерки за време на прекинот.

Република

Хумана новогодишна акција: Дедо Мраз пристигна на мотор кај децата од „Кочо Рацин“ во Битола

Моторџиите од МК Конзули Битола денеска организираа хумана новогодишна посета во Ресурсниот центар Кочо Рацин во Битола, носејќи го Дедо Мраз на мотор за да им подели пакетчиња на децата.

Настанот помина во празнична атмосфера, исполнета со детска радост, насмевки и искрена возбуда. Од МК „Конзули“ истакнаа дека ваквите моменти се потсетник на вистинската смисла на празниците – хуманост, споделување и грижа за најмладите.

Тие упатија благодарност до вработените во ресурсниот центар за топлиот пречек и посветеноста што секојдневно ја вложуваат во грижата и образованието на децата, најавувајќи дека и во иднина ќе продолжат со вакви хуманитарни активности.

Извор: Апла.мк

Република

Проданоски: Наставата на мајчин турски јазик е темел на културниот идентитет и соживотот

По повод Денот на наставата на турски јазик, градоначалникот на Општина Прилеп, Дејан Проданоски, упати искрени честитки до сите наставници, ученици и образовни работници кои ја негуваат и унапредуваат наставата на мајчин турски јазик.

Тој упати посебни честитки до колективот и учениците од ООУ „Св. Кирил и Методиј“ во село Канатларци, каде што успешно се реализира настава на турски јазик и со голема посветеност се негува јазикот како значаен дел од културниот идентитет.

Проданоски ја истакна важноста од негувањето на мајчиниот јазик и почитувањето на повеќекултурните вредности, нагласувајќи дека мајчиниот јазик е нераскинлив дел од идентитетот, традицијата и културното наследство на секој народ, а неговото почитување придонесува за меѓусебно разбирање, почит и пријателство во мултикултурно општество.

Општина Прилеп, како што беше нагласено, ќе продолжи посветено да ги негува повеќекултурните вредности и да го чува културниот идентитет на сите заедници, вклучително и на турската заедница, со цел создавање подобри услови за изучување и унапредување на наставата на мајчин турски јазик.