Економија

Умерен пад на индексот, но прометот останува концентриран кај големите имиња

Изготвен од Илирика Инвестментс АД Скопје врз основа на официјални податоци од Македонска берза.

Динамика на тргување и пазарни движења

Берзанскиот ден на 11 јули 2025 заврши со вкупен промет од 15.245.528 денари, при што индексот МБИ10 ослабе за 0,13 % до 10.425,33 поени, а обврзничкиот индекс ОМБ остана на 126,71 поени. Тргувањето беше умерено, но прометот главно го водеа финансискиот и фармацевтскиот сектор.

Најтргувани акции

● Комерцијална банка АД Скопје (KMB) – 409 акции, промет 11.610.300 денари

● Реплек АД Скопје (RPR) – 99 акции, промет 1.491.620 денари

● Алкалоид АД Скопје (ALK) – 30 акции, промет 814.800 денари

Најголеми добитници

● Шпаркасе банка Македонија АД Скопје (SPM) – пораст 2,99 %

● Алкалоид АД Скопје (ALK) – пораст 0,59 %

● Реплек АД Скопје (RPR) – пораст 0,43 %

Најголеми губитници

● Македонски Телеком АД Скопје (TEL) – пад 6,89 %

● Комерцијална банка АД Скопје (KMB) – пад 0,05 %

Обврзнички пазар

Ниту државните ниту корпоративните обврзници не реализираа нови трансакции, така што ОМБ остана стабилен на 126,71 поени.

Денот го одбележа доминацијата на Комерцијална банка, која оствари речиси три четвртини од целиот акциски промет. Реплек се искачи на второто место со солидна ликвидност, а Алкалоид го заокружи тројниот фармацевтско-банкарски врв. Иако индексот забележа благо намалување, разграниченото движење на цените покажува дека инвеститорите селективно се позиционираат, при што најголемиот притисок беше врз Македонски Телеком.

Економија

Димитриеска – Кочоска: 97 милиони евра за клучни енергетски проекти

Денеска беа потпишани договори за државна гаранција и заеми во вкупна вредност од 97 милиони евра, со кои ќе се реализираат стратешки енергетски проекти што значително ќе ја променат енергетската слика на државата.

Министерството за финансии, преку издавање државна гаранција, овозможи финансирање од 87 милиони евра за проектот „Фотонапонска електроцентрала Битола 3“. Од оваа сума, 50 милиони евра се обезбедени од КфВ, а 37 милиони евра од Европската банка за обнова и развој. Дополнително, обезбедени се и 10 милиони евра за ревитализација на хидроелектраните.

Министерката за финансии Гордана Димитриеска – Кочоска изрази благодарност до меѓународните финансиски институции за континуираната поддршка, како и до тимот на АД ЕСМ за нивната посветеност во реализацијата на проектите.

Според неа, овие капитални инвестиции ќе придонесат за зајакнување на домашното производство на електрична енергија, ќе обезбедат посигурно и постабилно снабдување и ќе дадат силен поттик за економска стабилност и одржлив развој на државата.

Економија

Божиновска: Нема енергетска криза, државата има резерви од мазут!

Граѓаните нема да почувствуваат никакви прекини во снабдувањето со топлинска енергија, иако ЕСМ побара прогласување кризна состојба. Министерката за енергетика, Сања Божиновска, денеска на брифинг со новинарите порача дека државата има доволно резерви на мазут за да ги покрие потребите.

Барањето за кризна состојба ќе се разгледува на утрешната владина седница, но Божиновска нагласи дека тоа е технички чекор за да се активираат државните резерви. Причина за ова е триесетдневната неможност за редовна набавка на мазут од Грција поради тамошните протести.

„Нема да има никаква криза. Постои мазут во државата – ако не го земат од Грција, ЕСМ ќе го земе од државните резерви. За граѓаните ова нема да значи апсолутно ништо“, истакна министерката.

Економија

Нови цени на горивата од полноќ

Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука со која се врши намалување на малопродажните цени на нафтените деривати во просек за 1,18% во однос на одлуката од 19.12.2025 година.

Малопродажните цени на бензините ЕУРОСУПЕР БС-95 и ЕУРОСУПЕР БС-98 се намалуваат за 1,00 ден/лит.

Малопродажната цена на ЕУРОДИЗЕЛ (Д-Е V) не се менува.

Малопродажната цена на Екстра лесното масло за домаќинство на (ЕЛ-1) се намалува за 2,00 ден/лит.

Малопродажната цена на Мазутот М-1 НС се намалува за 0,028 ден/кг и сега ќе изнесува 32,607 ден/кг.

Од 23.12.2025 година од 00:01 часот максималните цени на нафтените деривати ќе изнесуваат:

Моторен бензин ЕУРОСУПЕР БС – 95 70,00 (денари/литар)

Моторен бензин ЕУРОСУПЕР БС – 98 72,00 (денари/литар)

Дизел гориво ЕУРОДИЗЕЛ БС (Д-Е V) 64,50 (денари/литар)

Масло за горење Екстра лесно 1 (ЕЛ-1) 63,50 (денари/литар)

Мазут М-1 НС 32,607 (денари/килограм)