Синоќа Прилеп беше потресен од ужасна семејна трагедија. Според неофицијални информации до кои дојде „Скопје1“, за време на семејна веселба дошло до двојно убиство, по што напаѓачот, кој според извори е вујко на едно од убиените лица, извршил самоубиство.

Иако сè уште нема официјална потврда од надлежните институции, се претпоставува дека вујкото најпрво го застрелал својот внук и неговиот татко, а потоа го насочил оружјето кон себе.

На местото на настанот во Прилеп има силно полициско присуство. Екипи на МВР извршуваат увид и се чекаат повеќе детали за трагедијата која ја потресе јавноста.

Повеќе информации се очекуваат во текот на утринските часови.