Црна Хроника

Три возила изгореа во ноќен пожар во Скопје – се истражува причината

На 17 јули 2025 година, во 02:51 часот по полноќ, во СВР Скопје било пријавено дека на улицата „Бојмија“ избувнал пожар во кој биле зафатени три патнички возила.

Според информациите од МВР, целосно изгореле автомобил „Хјундаи“ сопственост на 40-годишниот Г.С. од Скопје, возило „Киа“ сопственост на М.П. (36) од Скопје и „Фолксваген Пасат“ со хрватски регистарски таблички, сопственост на В.К. (44) од Скопје.

Екипа на Противпожарната бригада на град Скопје интервенирала и го локализирала пожарот. Повредени лица нема, но причинета е материјална штета.

Полицијата презема мерки за целосно расчистување на случајот и утврдување на причините за пожарот.

Црна Хроника

Голем дефект на 110kV трафостаницата “Тетово 1” го остави цело Тетово без струја

Дел од корисниците во Тетово се без снабдување со електрична енергија поради дефект на 110 kV трафостаницата „Тетово 1“, информираат од Електродистрибуција.

Како што соопштуваат, прекинот во електроснабдувањето започнал од 16 часот, а екипите на Електродистрибуција се на терен и интензивно работат на отстранување на дефектот и нормализирање на снабдувањето со електрична енергија.

Црна Хроника

Застој на автопатот Скопје–Тетово, камион се превртел кај Желино

Тешка сообраќајна незгода се случи пред малку на автопатот Скопје – Тетово. Според првичните информации, камион се превртел веднаш по наплатната рампа кај Желино, што предизвика значителен застој во сообраќајот.

Блокирани се првите две ленти, а возилата се пропуштаат само по третата лента.

Дополнителен проблем за возачите претставуваат временските услови. На овој патен правец има појава на густа магла, која значително ја намалува видливоста.

Се апелира до сите учесници во сообраќајот да ја прилагодат брзината на условите на патот, да држат соодветно растојание и да бидат исклучително внимателни додека поминуваат на овој потег додека трае увидот и расчистувањето на теренот.

Црна Хроника

Две жени нападнати во автобуси на ЈСП во Скопје

Во два одделни инциденти на 19 декември 2025 година, две жени од Скопје биле физички нападнати додека се возеле во автобуси на ЈСП.

Првиот случај се случил околу 15:00 часот во подрачјето на Гази Баба, кога А.С. (46) пријавила дека била нападната од И.С. (39) од Скопје.

Вториот инцидент се случил околу 17:20 часот во подрачјето на Драчево, кога С.Ј. (55) била нападната од непознато женско лице додека се качувала во автобус.

Полицијата презема мерки за расчистување на двата случаи.