Свет

Една држава влегува во Европската Унија преку ред!?

Исланд повторно гледа кон Брисел: Владата подготвена да ги обнови преговорите за членство во ЕУ

Министерката за надворешни работи на Исланд, Торгердур Катрин Гунарсдотир, изјави дека исландските граѓани се подготвени за нова фаза на преговори за пристапување кон Европската Унија. Во интервју за Politico, таа истакна дека постои зголемена јавна поддршка за враќање на земјата на европскиот пат, особено во пресрет на официјалната посета на претседателката на Европската комисија, Урсула фон дер Лајен.

– Би рекла дека постои јавна поддршка за обнова на преговорите, рече Гунарсдотир, нагласувајќи дека ова прашање станува сè поважно во контекст на актуелната геополитичка состојба.

Таа потсети дека Исланд веќе има значителен напредок во преговорите остварен во периодот од 2010 до 2013 година, кога земјата официјално започна пристапни преговори по поднесувањето на апликацијата за членство во 2009 година. Иако процесот беше прекинат четири години подоцна, Исланд тогаш веќе беше усогласен со голем дел од европското законодавство.

Промената на ставот кон ЕУ, според Гунарсдотир, е резултат на променетите глобални околности, вклучително и заканите на тогашниот американски претседател Доналд Трамп дека ќе го „преземе Гренланд“ – територија што географски и безбедносно е блиска до Исланд – како и нестабилноста предизвикана од трговските војни кои тој ги иницираше.

На тоа се надоврзуваат и резултатите од истражувањата на јавното мислење. Додека од 2013 до 2021 година мнозинството граѓани беа против пристапување кон ЕУ, анкетата од декември 2024 година покажува дека ставовите се менуваат: 58% од Исланѓаните поддржуваат одржување референдум за членство, 53% се за воведување на еврото како официјална валута, а 45% би гласале „за“ приклучување во ЕУ.

Во моментот, исландската влада е составена од Социјалдемократската алијанса, Народната партија и либералната Видреисн. Иако Народната партија сè уште формално се противи на членството во Унијата, коалицискиот договор на трите партии предвидува организирање референдум за членство најдоцна до 2027 година.

Исланд повторно се најде пред значаен избор – дали малата островска нација ќе го прифати европскиот интеграциски пат како гаранција за стабилност и економски развој или ќе остане надвор од заедничката европска рамка.

Свет

Неочекуван пресврт во здравствената состојба на херојот од Сиднеј: Загубил многу крв, може да ја загуби раката

Ахмед ал Ахмед, минувачот кој вчера херојски успеа да го совлада и разоружа еден од напаѓачите во Бонди, изјави дека, и покрај тешките повреди и силната болка, повторно би го направил истото. Неговиот адвокат за миграции, Сем Иса, потврди дека Ахмед не жали за својот херојски чин, иако неговата здравствена состојба се влошила.

Ахмед е хоспитализиран во болницата „Сент Џорџ“ во Когара, каде се опоравува по првата операција. Тој има пет прострелни рани на левата рака, а еден куршум сè уште е заглавен во пределот на левата лопатка. Лекарите се загрижени поради сериозната загуба на крв и постои ризик дека би можел да ја изгуби раката.

Адвокатот истакна дека Ахмед е скромен човек кој не бара медиумско внимание и постапил од чувство на човечка и морална должност. По добивањето на австралиско државјанство во 2022 година, тој се чувствувал обврзан да ѝ помогне на заедницата која го прифатила.

Неговите родители велат дека, и покрај повредите, Ахмед е добро расположено. Мајката призна дека плачела од гордост кога дознала дека синот спасил животи, а таткото додаде дека Ахмед му се заблагодарил на Бога што им помогнал на невини луѓе.

Австралискиот премиер Ентони Албаниз и премиерот на Нов Јужен Велс, Крис Минс, го пофалија херојството на Ахмед, а поддршка упати и американскиот претседател Доналд Трамп. Во знак на солидарност, преку GoFundMe кампања се собраа над половина милион долари за неговото лекување и опоравување.

Ахмед ал Ахмед (44), сириско потекло, живее во Австралија од 2006 година, е сопственик на мал бизнис и татко на две мали ќерки. Неговото семејство и блиските велат дека без двоумење би го жртвувал сопствениот живот за да ги спаси другите.

Извор: newz24live.com

Свет

Судски дуел помеѓу Трамп и Би-би-си

Доналд Трамп тргна во силен правен противнапад против британскиот медиумски гигант Би-Би-Си (BBC), поднесувајќи тужба „тешка“ неверојатни 5 милијарди долари. Поранешниот и иден американски претседател тврди дека реномираната емисија „Панорама“ извршила брутална медиумска манипулација со неговиот говор од 6 јануари 2021 година, свесно искривувајќи ја вистината пред очите на светската јавност.

Во тужбата поднесена пред судот во Флорида, правниот тим на Трамп го обвинува британскиот јавен сервис за клевета и грубо кршење на законите за трговски практики. Срцето на спорот е контроверзниот документарец емитуван непосредно пред изборите во САД во 2024 година. Според адвокатите, Би-Би-Си извршиле „намерно, злонамерно и измамничко манипулирање“ со зборовите на Трамп, лепејќи две посебни изјави изречени во временски интервал од 50 минути за да создадат привид на директен повик за насилство.

„Морав да го направам ова. Тие измамија. Ги сменија зборовите што излегоа од мојата уста“, изјави решително Трамп пред новинарите.

Иако Би-Би-Си призна дека монтажата создала „лажен впечаток“, тие упорно одбиваат да исплатат отштета, тврдејќи дека нема правна основа за клевета. Сепак, скандалот веќе предизвика вистински институционален земјотрес во Велика Британија. По протекувањето на интерна белешка во која се критикува новинарската етика на прилогот, оставки поднесоа најмоќните луѓе во куќата: генералниот директор Тим Дејви и директорката на информативната програма Дебора Тернес.

Правната одбрана на Би-Би-Си се потпира на аргументот дека документарецот бил наменет исклучиво за британскиот пазар и дека Трамп не претрпел штета, со оглед на неговата победа на изборите. Сепак, тужбата на Трамп нуди поинаква перспектива.

Трамп тврди дека постоеле лиценци за глобално прикажување. Се нагласува дека жителите на Флорида масовно го гледале спорниот материјал преку VPN мрежи и платформата BritBox. Тужбата инсистира дека угледот на Трамп бил цел на напад токму во неговата база, Флорида.

Останува да се види дали американскиот суд ќе го прифати овој случај кој ветува дека ќе стане еден од најскапите и најзначајните судски процеси во историјата на односите меѓу политиката и медиумите.

Свет

Силна експлозија во Франција – петмина повредени

Силна експлозија ја погоди приземјето на една помала зграда во градот Тревос, во близина на Лион, вечерва околу 18 часот, при што пет лица се повредени, објави „Фигаро“.

Експлозијата предизвикала делумно уривање на фасадата на зградата, а спасувачките екипи брзо интервенирале. Жртвите добиле медицинска помош на лице место, додека педесет пожарникари со 36 возила и медицински служби биле мобилизирани за да им пружат помош на повредените.

Како мерка на претпазливост, средното училиште лоцирано во непосредна близина било веднаш евакуирано. Локалните власти започнаа истрага за да се утврди точната причина за експлозијата.