Магазин

Причината ќе ве изненади: Еве зошто стјуардесите бараат да се подигнат ролетните при полетување и слетување

Зошто стјуардесите бараат да се подигнат ролетните при полетување и слетување: Сè е за ваша безбедност

Иако местото покрај прозорец во авион често се смета за попривилегирана позиција, за време на полетување и слетување стјуардесите редовно бараат од патниците да ги подигнат ролетните. На прв поглед, ова барање може да изгледа неважно или дури и вознемирувачко, но зад него стои важна безбедносна причина.

Како што објаснува стјуардесата Чер во видео објавено на нејзиниот профил на „ТикТок“, ова правило не е каприц на авиокомпаниите, туку универзален стандард во авијацијата што може да направи разлика во критични моменти.

„Постојат неколку американски авиокомпании кои инсистираат на тоа – ролетните на прозорците да бидат подигнати додека авионот се движи по пистата, при полетување и слетување. Ако некогаш сте се прашале зошто, доволно е да се потсетите на сите вести за паднати делови од авиони или запалени мотори“, вели Чер.

Таа додава дека од позициите на пилотите и кабинскиот екипаж не може да се има целосен преглед на крилата и надворешноста на авионот. „Не можеме да го видиме целиот авион. Ако нешто отпадне, се запали или се појави некаков дефект, токму патниците се тие кои можат први да го забележат и да не известат“, нагласува таа.

Подигнувањето на ролетните овозможува и побрза проценка на состојбата надвор во случај на евакуација – дали има пожар, пречка на излезот или други ризици кои би го одложиле напуштањето на авионот.

Иако ова правило на некои може да им изгледа како непотребен формализам, Чер посочува дека екипажот не го бара ова за да ги вознемирува патниците, туку затоа што секунда може да биде пресудна во итна ситуација.

Затоа, следниот пат кога ќе слушнете „Ве молиме подигнете ја ролетната“, знајте дека не се работи за удобност – туку за ваша и туѓа безбедност.

Магазин

Transmission – Музичка вечер со Васил Хаџиманов и Александар Петров

Transmission е музички концепт во кој тапанот ги спојува традицијата и денешницата, акустичната и електронската музика.

20 години од музичката симбиоза и пријателство (по Кавадаречка линија), Александар Петров заедно со Васил Хадџиманов преку проектот Transmission ги сплотуваат традиционалното и модерното преку звукот на тапанот и електронската музика.

Составен од два дела, првиот посветен на нивните херои од детството Никола Бадев, Кирил Манчевски и Зафир Хадџиманов во придружба на единствената Тања Царовска, додека вториот ќе раскаже еден понов период на творење осврнат кон електронската музика, која некои љубители, познавачи и издавачи ја означуваат како ORGANIC – PROGRESSIVE – HOUSE.

Музика во живо со: ХАЏИМАНОВ – ЦАРОВСКА – ПЕТРОВ – ВАСИЉЕВИЧ – ШАРЕВСКИ

Почеток во 20 часот, во Станица 26 na 24 Dekmvri

Картите по цена од 1000 денари се продаваат во THREE BAR & KITCHEN, Soma и Чашка

Магазин

Светот на диетите се менува: Пристигнува првата таблета за слабеење

Американската агенција за храна и лекови (ФДА) го одобри првиот лек за слабеење во облик на таблета, означувајќи значајна пресвртница во третманот на прекумерната телесна тежина. Информацијата ја објави данската фармацевтска компанија Novo Nordisk, производителот на лекот.

Новата таблета се зема еднаш дневно, а според компанијата, дава ист ефект како досегашната неделна инјекција. За разлика од други лекови за слабеење кои првично биле создадени за пациенти со дијабетес тип 2, овој лек е од почеток развиен исклучиво за губење на тежината.

Клиничките испитувања со приближно 1.300 учесници покажале импресивни резултати: во просек, корисниците изгубиле 16,6% од телесната тежина, додека околу една третина од нив успеале да намалат дури 20% или повеќе. „Пациентите ќе добијат практична таблета што се зема еднаш дневно и може да помогне да се изгуби исто толку тежина како и со оригиналната инјекција“, изјави извршниот директор на компанијата.

Очекувањата се дека таблетата ќе се појави на американскиот пазар почетокот на јануари 2026 година. Одобрувањето веднаш предизвика позитивен шок на берзата – акциите на Novo Nordisk пораснаа речиси 10% по затворањето на тргувањето во Њујорк.

Во Европа, лекот сè уште е достапен само како неделна инјекција и тоа со лекарски рецепт во одредени земји. Таблетата за европскиот пазар сè уште не е одобрена, а регулаторната одлука се очекува најрано во втората половина на 2026 година.

Магазин

Мега забавен парк од 1,1 милијарда долари „Дракула Ленд“ се отвора во Романија

Романија ја трансформира својата најпозната легенда во глобална туристичка атракција. Во близина на Букурешт е потврден изградбата на „Дракула Ленд“, мега-забавен комплекс вреден 1,1 милијарда долари, кој ќе биде целосно финансиран од приватни инвеститори.

На површина од 192 акри, новиот мега-парк ќе понуди над 40 атракции распоредени во шест тематски зони, инспирирани од легендата за Дракула и богатиот романски фолклор. Но „Дракула Ленд“ нема да биде само забавен парк – проектот предвидува луксузни хотели, арени за е-спорт, огромни концертни и шоу-простори, како и содржини за дневни и ноќни активности, привлекувајќи туристи од целиот свет.

Со оваа амбициозна инвестиција, Романија се стреми да создаде целосна туристичка дестинација што ќе се натпреварува со најпознатите европски тематски паркови. Изградбата е закажана да започне во септември 2026 година, а отворањето се планира веќе во 2027 година, доколку се следи планираниот ритам.

Со овој проект, Романија не само што сака да го оживее својот најпознат мит, туку и да се позиционира како една од водечките забавни и туристички дестинации во Европа, привлекувајќи милиони посетители секоја година.