Црна Хроника

Измамена 69-годишна жена остана без 160.000 евра по лажен повик од „банкар“

Жена на возраст од 69 години стана жртва на телефонска измама и изгуби 160.000 евра, откако добила повик од лице што се претставило како вработено во нејзината банка, објави „Феникс“.

Повикот изгледал автентично – на екранот ѝ се појавил број што го препознала како официјален од нејзината банка. Без сомнеж, таа ги споделила своите податоци за пристап и TAN кодови со повикувачот. Измамниците дури ѝ испратиле QR кодови преку апликација за пораки, преку кои генерирала нови TAN кодови.

Следниот ден, жената забележала сомнителни трансакции на нејзината сметка и веднаш ги блокирала сите банкарски активности. Сепак, било предоцна – веќе биле подигнати 160.000 евра.

Полицијата потврди дека станува збор за таканаречена „spoofing“ измама – лажирање на телефонски број за да изгледа како да доаѓа од банка или друга доверлива институција.

Властите апелираат до граѓаните да бидат исклучително внимателни:

Никогаш не споделувајте лични банкарски податоци преку телефон. Дури и ако бројот ви изгледа познат, прекинете го повикот и сами контактирајте ја банката преку официјални канали. Банкарски институции никогаш не бараат TAN кодови или лозинки по телефон.

Полицијата продолжува со истрагата, а граѓаните се повикуваат на зголемена будност и проверка на секоја сомнителна комуникација.

Црна Хроника

Тетово: Физички напад во угостителски објект, едно лице повредено со тврд предмет

СВР Тетово поднесе кривична пријава против Р.У.(18) од с.Желино и 16-годишник од с.Групчин поради постоење основи на сомнение за сторено кривично дело „насилство“.

На 22.10.2025, во еден угостителски објект во Тетово, пријавените физички ги нападнале А.Р.(19) од тетовско и 15-годишник од тетовско. При нападот, првопријавениот употребил и тврд предмет, при што е причинета повреда.

Случајот е пријавен и се преземаат мерки за целосно расчистување на инцидентот.

Црна Хроника

Измама со „волшебна амајлија“: Жената оштетена за 60.000 денари

Жена од Делчево била измамена со ветување дека „амајлија“ ќе ги реши сите нејзини семејни проблеми, при што издала 60.000 денари. Полицијата поднесе кривична пријава против 61-годишниот С.Ѓ. од скопското село Сарај поради измама.

Измамникот ја убедил жртвата во моќта на своите услуги во два наврати – во септември 2024 и повторно во март 2025 година, земајќи ѝ по 30.000 денари секојпат. Откако сфатила дека е измамена, жената го пријавила случајот во полиција.

Од МВР соопштуваат дека С.Ѓ. се сомничи за кривичното дело „измама“ и дека против него е поднесена соодветна кривична пријава.

Црна Хроника

Инцидент во Скопје – две возила попречиле пат, следел напад

Вчера во 10:40 часот во СВР Скопје, С.М.(47) од Скопје пријави дека додека се движел со патничко возило од с.Јурумлери, скопско кон населбата Драчево, две возила му го попречиле патот, а од нив излегле М.С. и уште неколку други лица и физички го нападнале, а употребиле и тврди предмети, при што му го оштетиле и возилото.

Се преземаат мерки за расчистување на случајот.