Connect with us

Балкан

Трагедија на Крит: Почина 7-годишно дете, родителите уапсени поради негрижа

Тешка трагедија ја потресе Грција откако 7-годишно француско дете почина на плажата Маде на Крит, а неговите родители се уапсени под сомнение за изложување на малолетно лице на опасност. Според информациите од Cretapost, досието за случајот веќе е испратено до надлежниот обвинител.

Семејството било на одмор на островот, а несреќата се случила попладне, кога заминале на капење. Во еден момент, детето изгубило свест додека било во водата. Спасувачот го извлекол од морето и започнал со кардиопулмонална реанимација, со која успеал накратко да го врати во живот.

Детето било веднаш пренесено во болница од екипа на итната медицинска служба EKAB, но, за жал, не успеало да преживее.

Наредена е обдукција која треба да ги утврди точните причини за смртта. Полицијата го третира случајот како можна последица на негрижа, што доведе до приведување на родителите.

Advertisement

Балкан

Тензии во Нови Пазар: Државниот Универзитет  отпушти 30 професори, студентите излегоа на протест поради таквата одлука

Вчера во Нови Пазар се одржа масовен студентски протест, откако Државниот универзитет донесе одлуки кои предизвикаа силни реакции кај академската и студентската јавност. Студентите излегоа на улица во знак на револт поради укинување на статусот редовен студент на околу 200 лица, како и отпуштање на 30 професори.


Според организаторите, отпуштените професори биле дел од академскиот кадар кој јавно го поддржувал студентското движење, кое започна по трагичниот пад на натстрешницата во Нови Сад.

Студентите оценуваат дека мерките на универзитетското раководство претставуваат притисок и обид за задушување на критичкиот глас во високото образование.
На протестот беа упатени барања за оставка на одговорните во управата на универзитетот, поништување на донесените одлуки и враќање на отпуштените професори, како и враќање на студентскиот статус на засегнатите студенти.


Протестот помина мирно, но со силни пораки дека студентите нема да се откажат од борбата за, како што велат, академска слобода, правда и солидарност. Организаторите најавија дека доколку не се исполнат нивните барања, протестите ќе продолжат и во наредниот период.

Continue Reading

Балкан

Познат идентитетот на македонските државјани кои загинаа во сообраќајната несреќа кај Ниш

Во тешка сообраќајна несреќа што се случи вчера на автопатот Белград–Ниш, во близина на клучката Умчари, две лица го загубија животот, додека трет патник е итно пренесен во болница со тешки телесни повреди.


Како што е потврдено, во возилото во моментот на несреќата се наоѓале двајцата браќа Назим и Шкелзен Авдиу, како и сопругата на Шкелзен. Назим Авдиу и сопругата на Шкелзен починале на самото место, додека Шкелзен Авдиу се здобил со тешки повреди и е хоспитализиран, при што според последните информации се наоѓа во критична состојба.


Несреќата се случила при нивното враќање од Германија кон Македонија, а причините за судирот засега не се официјално соопштени. Надлежните српски органи спроведуваат истрага за да се утврдат сите околности под кои дошло до трагичниот настан.


Од македонското Министерство за надворешни работи информираат дека се воспоставени контакти со надлежните институции во Србија, како и со семејството на настраданите, со цел обезбедување конзуларна помош и поддршка за транспорт и административни постапки.


Трагедијата предизвика длабока тага кај јавноста, а бројни граѓани преку социјалните мрежи упатија изрази на сочувство до семејството Авдиу, надевајќи се на позитивен исход и закрепнување на повредениот.

Continue Reading

Балкан

Грчките Земјоделци се повлекоа од протестите: Граничните премини ќе бидат отворени за празниците

По неколкудневните блокади и протести, земјоделците во Грција донесоа одлука да ги отворат граничните премини за време на божиќните и новогодишните празници.

Со оваа одлука ќе се овозможи непречен проток на патници и стока за Божиќ и Нова година, што е особено значајно за граѓаните и транспортниот сектор.


Според информациите од грчките медиуми, земјоделците привремено се откажале од блокадите со цел да не се создава дополнителен притисок и проблеми во периодот на зголемена празнична фреквенција.

Сепак, тие најавуваат дека протестите не се целосно прекинати и дека повторно би можеле да продолжат по завршувањето на празниците, доколку нивните барања не бидат исполнети.


Граничните премини меѓу Македонија и Грција во изминатиот период беа често затворани или функционираа со ограничен режим, што предизвика долги колони и значителни доцнења, особено за товарниот сообраќај.


Со најавеното отворање за празниците се очекува нормализирање на сообраќајот и олеснување на движењето за граѓаните кои планираат патувања кон или преку Грција во овој период.

Continue Reading
Advertisement

Advertisement

Advertisement
Advertisement

Advertisement

Advertisement

Advertisement

Advertisement

Advertisement

Advertisement

Трендинг