Црна Хроника

Полицијата со масовна акција уапсени 27 лица

Синоќа, на 24/25 јули 2025 година, полициски службеници од СВР Скопје интервенираа по пријава на З.Н. од Скопје дека на патеката кон Средно Водно забележал дрвен отпад од мебел подготвен за потпалување. На местото на настанот биле пронајдени остатоци од дрвен отпад и хартиени кеси покриени со гранки, што укажува на обид за предизвикување пожар.

Министерството за внатрешни работи соопшти дека најголем дел од пожарите во отворен простор се предизвикани од човечки фактор со различни мотиви. Од почетокот на годината до 24 јули се приведени вкупно 27 лица, а поднесени се 19 кривични пријави поврзани со пожари.

Од 1 јули 2025 година, откако е воведена забрана за движење во шуми без писмено одобрение, биле затекнати 18 лица кои нелегално се движеле во шумските појаси, за кои ќе бидат поднесени соодветни пријави по Законот за шуми.

Во насока на рана превенција на шумските пожари, полицијата користи дронови за мониторинг на шумските области низ целата земја, што значително ја зголемило ефикасноста во раното откривање и спречување на пожари.

Овие активности укажуваат на зголемена посветеност на институциите во заштитата од пожари и минимизирање на ризикот од штети врз природата и безбедноста на граѓаните.

Црна Хроника

Ужас во Тетово – Обвинителството бара притвор за пет лица

Јавен обвинител од Основното јавно обвинителство за гонење на организиран криминал и корупција, постапувајќи по кривичната пријава поднесена од Националната единица за сузбивање на криумчарење на мигранти и трговија со луѓе при МВР, донесе Наредба за спроведување на истражна постапка против пет лица.

„Првоосомничениот од есента 2023 година до крајот на 2024 година, во Тетово, откако започнал емотивна врска со тогаш петнаесетгодишната жртва, ја злоупотребил положбата на љубовен партнер и континуирано манипулирајќи со неа и искористувајќи ја довербата што жртвата му ја укажала, ја довел во состојба на зависност. Користејќи различни форми на принуда ѝ овозможил на жртвата да конзумира психотропни супстанции, со што ја доведувал во состојба на физичка или ментална неспособност воспоставувајќи контрола врз неа. Лишувајќи ја од способност самостојно да донесува одлуки го вовлекол детето-жртва во состојба на сексуална експлоатација. Заради остварување имотна корист, ја подведувал жртвата да дава сексуални услуги, а на останатите осомничени и други неидентификувани лица им овозможил да користат сексуални услуги од детето – жртва, кои иако знаеле и биле должни и можеле да знаат дека е жртва на трговија со луѓе, сепак ги користеле сексуалните услуги и му плаќале на осомничениот директно или преку детето – жртва“, велат од Обвинителството.

Ценејќи ги околностите, јавниот обвинител утврди дека се исполнети условите за определување на мерка притвор и на судијата на претходна постапка при Основниот кривичен суд Скопје му предложи истата да им ја определи на сите петмина осомничени.

Црна Хроника

Лажна сообраќајна несреќа во Тетово – Поднесени кривични пријави

СВР Тетово поднесе кривична пријава против А.Б. (44), М.А. (39) и Г.Ш. (25), сите од Тетово, поради сомнение за кривично дело измама.

На 16 декември 2024 година, тројцата се обиделе со лажно прикажување на настан да измамат полицајци од сообраќајната полиција. Тие во круг на автоперална на ул. „Маршал Тито“ во Тетово фиктивно ги судриле возилата – „БМВ“ со швајцарски и „БМВ“ со тетовски регистарски ознаки – со цел да наплатат осигурување од осигурително друштво.

Црна Хроника

Полицаец повреден додека регулирал сообраќај

Полицаец е повреден откако бил физички нападнат од скопјанец додека го регулирал сообраќајот за време на протест во Скопје, соопшти МВР.

Инцидентот се случил вчера (23.12.2025) на крстосницата на булеварот Никола Карев со улицата Македонско-косовска бригада, на подрачјето на Бит-пазар. Напаѓачот, А.С. (24) од Скопје, бил приведен од полицијата.

Повредениот полициски службеник бил пренесен во Градската општа болница „Св. Наум Охридски“, каде му биле констатирани телесни повреди.