Црна Хроника

Тешка сообраќајка во Тетово – возачот возел во алкохолизирана состојба

Во раните утрински часови на 25 јули 2025 година, околу 02:40 часот, полициски службеници од Полициската станица за безбедност на патниот сообраќај при СВР Тетово го лишиле од слобода 49-годишниот Д.С. од село Брвеница, тетовско.

Тој бил инволвиран во сообраќајна несреќа на улицата „Илинденска“ во Тетово, каде управувал патничко возило „Фолксваген Голф“ со тетовски регистарски ознаки. При полициска интервенција и алкотестирање, било утврдено дека Д.С. возел под дејство на алкохол, со измерени 1,78 промили алкохол во крвта.

Возачот е задржан во полициска станица, а по целосно расчистување и документирање на случајот, против него ќе биде поднесена соодветна кривична пријава по член 297-а од Кривичниот законик – „безобѕирно управување со моторно возило“.

Црна Хроника

Тешка несреќа на автопатот Скопје- Велес

На 22.12.2025 околу 15:00 часот во СВР Скопје е пријавено дека на автопатот Скопје- Велес, кај Катланово, патничко возило „фиат“ со велешки регистарски ознаки, управувано од О.П.(49) од Велес, излетало од коловозот.

Во несреќата со тешки телесни повреди се здобил возачот, констатирани во Комплексот клиники „Мајка Тереза“.

Извршен е увид од увидна екипа од СВР Скопје.

Црна Хроника

Физички напад со остар предмет во Тетовско, едно лице повредено

На 22.12.2025 во 16:40 часот во Полициското одделение Теарце бил пријавен случај на физички напад во селото Теарце. Според пријавата, околу 14:30 часот, по претходна расправија, Р.М.(41) од с.Теарце физички го нападнал З.Б.(53) од с.Слатино, при што употребил остар предмет и му нанел повреди.

Повредениот бил пренесен во Клиничката болница Тетово, каде што му биле констатирани телесни повреди. Осомничениот Р.М. е задржан во полициска станица, а по целосно документирање на случајот против него ќе следува соодветен поднесок.

Црна Хроника

Пожар во Штип го проголта хангарот за картон и алуминиум

На 22 декември 2025 година, во 23:11 часот, во СВР Штип е пријавен пожар кој зафатил објект на улицата „Железничка“ во Штип, сопственост на 49-годишниот С.В. Од локалните власти информираат дека огнот најпрво го зафатил складираниот отпад, а потоа се проширил и на хангари во кои се наоѓале три преси за картон и алуминиум.

На среќа, при пожарот нема повредени лица, а интервенирала екипа на Територијалната противпожарна единица Штип која брзо успеала да го стави огнот под контрола. Причините за избувнувањето на пожарот засега се во тек на истрага.