Скопје

Колумна на Рамадан Рамадани: Ќосето ја закла Данела кај Континентал

Ова не е наслов од крвавите пресметки од минатиот век туку наслов за гротескен крај на еден обид за политичка кариера. Со поставувањето на многу пати оспоруваниот споменик на Ќосето градоначалничката на Скопје, секако симболично и политички, беше заколена токму од овој паметник. Сосема на крајот на еден импотентен и заглавен мандат во кои таа имаше само петинг одлуки за онеспособување на Градот Скопје преку политичка подршка од разни идимидојди советници си даде себеси еден симболичен автогол во време кога веќе нема простор, рок и никакви можности за пресврт.

Споменикот на Ќосето со сета агресивност и кама во раце никогаш не беше функционална меѓуетничка провокација туку беше оспоруван интраетнички, затоа што на крајот на краиштата овој историски лик го бил заклал својот роден брат. Така и ова со поставувањеето на овој споменик си ги закла своите најверни подржувачи и јавност во последната година во која самата си тераше една излезна стратегија на виктимизација и префрлање на одговорност: СДСМ и опозиционо настроената јавност во Скопје и земјата. Така сите кои ја подржуваа како мајка, жена па и немоќна функционерка со еден замав на камата беа сотрени токму од нејзе. Гледајќи ја како плаче и солзи рони а при тоа има таков јазик и дискурс сите чекаа да биде уќуткана, неутрализирана или сосема „заклана“ од Власта, Колаицијата Вреди или некој од иљадите директори кои таа ги смени или па тие ја заменија нејзе, ама таа вака се „самозакла“.

Секој кој ги знаеше нејзините политички ментори од ДУИ, опозициони подржувачи од типот, ете се нашло нешто па да ја подржиме против власта, не очекуваа дека можат да претрпат некоја политичка штета од нејзина подршка или бодрење ама со Ќосето токму тоа се случи. Посебно после нејзиниот последен обид кога со сомнителни методи превзеде една регистрирана политичка партија и се обиде на парламентари избори да се етаблира. При што како што знаеме освои гласови недоволни ни за еден градски советник. Сите тие партии и страни имаа политички сенс за да знаат дека подржуваат остаток од обид за политичка кариера или политичка урнатина и беа сигурни дека нема да претрпат никаква политичка штета од ова подржување ама ете испадна дека овакво пребивање и засолнување во политичка урнатина не е безопасно. Ни за краток временски период. ДУИ преку ова трајно го надена прекарот Ќосето кој обилно ќе се искористи во кампањата за престоечките локални избори во Скопје и пошироко. СДСМ па преку нејзе и единствената меѓународна подршка за неа од тој бугарскиот европратеник доживеа една пост-вистинитост на фејк њус за нејзино бугарско државјанство. Кое прв пат беше спомнувано токму од СДСМ во кампањата против нејзе.

Но, зошто овој политички колеж е тажен крај се однесува на фактот дека ова ќе се одрази на сите независни кандидати и листи во престоечките локални избори. Сите четири страни и партии кои и така се здружени да остават правни и политички пречки за независните изглегоа ќар во ова нејзино самозаколување. Навистина и независно тажно!

Извор: zoom.mk

Македонија

ДЕНЕСКА НА МРЃУНАРОДНИОТ АЕРОДРОМ СКОПЈЕ – Реализирани 26 летови, по 13 слетувања и полетувања поради лошите временски услови

По периодот на прекин поради густа магла, Меѓународниот аеродром „Скопје“ повторно е отворен за сообраќај, соопштија од аеродромските служби.

Денеска се реализирани 13 слетувања и 13 полетувања, откако претходно системот на летови беше значително нарушен од временските услови.

Значителен број летови сè уште почувствуваа последици од маглата – 20 летови беа пренасочени кон други аеродроми, а две планирани авиони беа откажани, додека аеродромот работеше со ограничено функционирање.

Аеродромските оператори потврдија дека ситуацијата на пистите и навигациските системи се нормализира и дека сообраќајот постепено се враќа во вообичаениот режим. Патниците често пати беа известувани директно од авиокомпаниите за измените во нивните летови, вклучувајќи и за пренасочените и откажаните услуги.

Од аеродромот апелираат до патниците да ги проверат состојбите и статусот на нивните летови пред да пристигнат на терминалите, поради можни дополнителни измени што може да се појават при променливи временски услови.

Со обновувањето на летовите, се очекува нормализација на сообраќајот и олеснување за сите што планираат патување преку скопскиот аеродром во текот на денот.

Скопје

НИГЕРИЕЦ ВООРУЖЕН СО ПИШТОЛ УАПСЕН ВО СКОПЈЕ ПО НАПАД ВРЗ ПОЛИЦАЕЦ НОЌВА ВО ГРАДСКИОТ ПАРК

Ноќеска во Градскиот парк во Скопје, полициски службеници го лишиле од слобода 37-годишниот У.И.У., државјанин на Нигерија со американски пасош и лична карта, поради тоа што физички нападнал полициски службеник додека тој извршувал службени дејствија, соопштија од МВР.

Инцидентот се случил околу 04:30 часот пред угостителски објект во централниот градски парк, кога полицијата интервенирала поради агресивното однесување на осомничениот. За време на контролата, тој нападнал еден од полициските службеници, по што бил лишен од слобода.

При претрес кај него, полициските службеници пронашле и одзеле пиштол „глок“, две рамки и 30 куршуми, за кои лицето не поседувало соодветна дозвола, соопшти МВР. За овие предмети е утврдено дека не биле законски пријавени или регистрирани.

По целосното документирање на случајот, против 37-годишниот маж ќе следува соодветен поднесок за кривични дела, вклучувајќи напад на службено лице и поседување оружје без дозвола, додаваат од полицијата.

Скопје

Густа магла предизвика застој на скопскиот аеродром

Густата магла во скопската котлина денеска предизвика пореметување во авиосообраќајот на Меѓународниот аеродром Скопје, при што неколку летови доцнат, а еден е откажан. Временските услови влијаат на слетувањата и полетувањата, информираат од аеродромот.

Најголемо доцнење е регистрирано кај летот на „Пегасус“ од Истанбул (Сабиха Гокчен), кој наместо во 09:55 ќе слета во 11:25 часот. Летот на „Виз Ер“ од Дортмунд ќе пристигне со половина час доцнење, додека летот на „АЏет“ од Истанбул, предвиден за пладне, е откажан. Летовите од Нирнберг, Фридрихсхафен и Виена засега се реализираат според распоредот.

Доцнења има и кај заминувањата. Летот на „Виз Ер“ за Париз (Бове), предвиден за 12:25, ќе полета во 13:00, а летот на „Туркиш Ерлајнс“ за Истанбул е одложен за 1 час и 20 минути, со полетување во 14:20. Аеродромот ги советува патниците редовно да ја следат официјалната веб-страница за најнови информации.