Црна Хроника

Штипјанец пријавен за труење и газење животни

Секторот за внатрешни работи Штип поднесе кривична пријава против 72-годишниот С.К. од Штип поради сомнение за сторени кривични дела „убивање и мачење животни“.

Според информациите од полицијата, пријавениот на 14 април 2025 година, во селото Долно Трогерци, во два наврати фрлал храна со отров, по што две кучиња во сопственост на Т.С. биле отруени и угинале.

Истиот човек, на 6 јули 2025 година, со патничко возило прегазил куче, кое починало на местото на настанот.

Против С.К. е поднесена кривична пријава, а случајот е во надлежност на јавен обвинител. Од МВР најавуваат дека ваквите случаи нема да останат неказнети и апелираат до граѓаните секое насилство врз животни веднаш да го пријавуваат.

Црна Хроника

Тетово: Физички напад во угостителски објект, едно лице повредено со тврд предмет

СВР Тетово поднесе кривична пријава против Р.У.(18) од с.Желино и 16-годишник од с.Групчин поради постоење основи на сомнение за сторено кривично дело „насилство“.

На 22.10.2025, во еден угостителски објект во Тетово, пријавените физички ги нападнале А.Р.(19) од тетовско и 15-годишник од тетовско. При нападот, првопријавениот употребил и тврд предмет, при што е причинета повреда.

Случајот е пријавен и се преземаат мерки за целосно расчистување на инцидентот.

Црна Хроника

Измама со „волшебна амајлија“: Жената оштетена за 60.000 денари

Жена од Делчево била измамена со ветување дека „амајлија“ ќе ги реши сите нејзини семејни проблеми, при што издала 60.000 денари. Полицијата поднесе кривична пријава против 61-годишниот С.Ѓ. од скопското село Сарај поради измама.

Измамникот ја убедил жртвата во моќта на своите услуги во два наврати – во септември 2024 и повторно во март 2025 година, земајќи ѝ по 30.000 денари секојпат. Откако сфатила дека е измамена, жената го пријавила случајот во полиција.

Од МВР соопштуваат дека С.Ѓ. се сомничи за кривичното дело „измама“ и дека против него е поднесена соодветна кривична пријава.

Црна Хроника

Инцидент во Скопје – две возила попречиле пат, следел напад

Вчера во 10:40 часот во СВР Скопје, С.М.(47) од Скопје пријави дека додека се движел со патничко возило од с.Јурумлери, скопско кон населбата Драчево, две возила му го попречиле патот, а од нив излегле М.С. и уште неколку други лица и физички го нападнале, а употребиле и тврди предмети, при што му го оштетиле и возилото.

Се преземаат мерки за расчистување на случајот.