Црна Хроника

СКОПЈЕ: Двајца млади фатени со арсенал оружје во станови – еден од нив чувал 50 куршуми за автоматска пушка!

Двајца млади скопјани, на возраст од 33 и 23 години, се соочуваат со сериозни обвиненија откако полицијата, при претрес во нивните домови, открила вистински арсенал – пиштоли, рамки и стотици парчиња муниција, вклучувајќи и за автоматско оружје!

Според информациите од Министерството за внатрешни работи, акцијата била спроведена во две фази. Првиот претрес бил извршен на 15 јули 2025 година, во домот каде што престојувал И.Х. (33). Полицијата таму пронашла полуавтоматски пиштол „Црвена застава М57“, две рамки со муниција 7,62x25mm, куршуми од калибар 7,65mm, како и дури 50 куршуми со калибар 7,62x39mm – ист калибар што се користи за автоматски пушки!

Вториот осомничен, С.А. (23), бил „посетен“ од полицијата на 19 јули. Во неговиот дом бил пронајден полуавтоматски пиштол „Reximex TRX9“ со калибар 9mm, рамки со муниција, дополнителна опрема и дури 36 куршуми, како и алатки за чистење и полнење на оружјето.

И двајцата се осомничени за неовластено држење и тргување со оружје, а судија на претходна постапка им одредил мерка притвор од 30 дена.

Истражителите не откриваат дали оружјето било наменето за продажба или подготовка на нешто поопасно. Случајот предизвика големо внимание, особено поради возраста на осомничените и количината на пронајдената муниција.

Црна Хроника

ВИДЕО: Во раце на полицијата падна голем плен – МВР со детали

Пронајдени се над 25 тони пиротехнички средства во две товарни возила и магацини на правно лице, лишени од слобода се две лица, од кои едното е полициски службеник

На 24.12.2025 во 08:35 часот на наплатна станица Градско, полициски службеници од ОВР Кавадарци во содејство со Единицата за недозволена трговија со оружје, опасни материи и радиоактивен материјал при Одделот за криминалистичка полиција, ги лишија од слобода Н.Р.(41) и И.Р.(41), двајцата од Скопје.

При контрола во товарно возило „пежо боксер“ со струшки регистарски ознаки, кое го управувал Н.Р., а сопатник бил И.Р.-полициски службеник во Полициската станица Бит Пазар, била пронајдена и одземена поголема количина пиротехнички средства за кои не поседувале никаква документација, а за кои изјавиле дека припаѓаат на правно лице од Скопје.
Подоцна, при преземање на дополнителни мерки и активности, пред магацинот на правното лице пронајдено е уште едно товарно возило натоварено со пиротехнички средства, кое било оставено и напуштено.

Додека, пак, денеска со судска наредба извршен е претрес во магацините на правното лице, при што се пронајдени и одземени над 25 тони пиротехнички средства. Единицата за недозволена трговија со оружје, опасни материи и радиоактивен материјал во координација со ОВР Кавадарци ќе ги преземаат сите мерки и активности за утврдување на сите инволвирани лица и по комплетирање на документацијата ќе биде поднесена соодветна пријава по член 396 став 7 од Кривичниот законик.

Видеото може да го погледнете тука

Црна Хроника

Полицијата ноќеска апсеше во Тетово – МВР со детали

На 25.12.2025 во 03:40 часот на бул.,,Видое Смилевски Бато“ во Тетово, полициски службеници од Полициската станица за безбедност на патниот сообраќај Тетово го лишија од слобода И.И.(39) од с.Теарце, тетовско, затоа што кај него е пронајдена и одземена бела прашкаста материја. Тој е задржан во полициска станица и по документирање на случајот ќе му биде изготвен соодветен поднесок.

Црна Хроника

Разбојништво во Скопје: Со закана со пиштол ограбена аптека

Аптека на подрачјето на Бит Пазар синоќа била мета на разбојништво, откако едно лице со закана со огнено оружје од вработената одзело пари.

Како што е пријавено во СВР Скопје, настанот се случил околу 19:50 часот. Напаѓачот влегол во аптеката, ѝ се заканил на вработената со пиштол и успеал да одземе парични средства, по што избегал од местото на настанот.

Од Министерството за внатрешни работи информираат дека се преземаат мерки и активности за целосно расчистување на случајот и пронаоѓање на сторителот.