Балкан

Британска актерка уапсена во Турција – ѝ се закануваат три години затвор поради наводна кражба во „Зара“

Британската актерка Серс е уапсена во Турција, откако била обвинета за наводна кражба во продавницата „Зара“. Според нејзиното сведоштво за британскиот таблоид The Sun, таа ненамерно излегла од продавницата без да плати за неколку предмети, но веднаш откако го сфатила пропустот се вратила за да ги плати.

И покрај тоа што ги предала предметите и понудила пари, вработените ја задржале во продавницата околу три часа, а потоа била приведена од полицијата. Таа тврди дека во полициската станица ѝ биле понудени документи за потпишување, кои не можела да ги прочита бидејќи не биле на јазик што го разбира.

Серс поминала 24 часа во затворска ќелија без храна и без пристап до тоалет, а кога побарала вода, полицијата ѝ одговорила дека „не ја разбира“. По ослободувањето, судот ѝ наложил забрана за напуштање на Турција додека трае истрагата. Доколку биде прогласена за виновна, ѝ се заканува казна затвор до три години.

Во меѓувреме, поради финансиски проблеми и неможноста да работи, таа била згрижена од локално турско семејство, кое ѝ понудило храна и сместување. На социјалните мрежи, актерката се заблагодарила на поддршката која ја добива од јавноста:

„Добро сум и не ги заслужувам сите овие убави зборови, но сум многу благодарна“, напиша таа.

Балкан

Пијан возач фатен со 200 км/ч

Припадници на Министерството за внатрешни работи на Србија денес околу 14 часот го запреа Д.В. (39) во Лозница, кој управуваше возило „суди“ со брзина од 200,8 километри на час на дел од патот Лозница – Шабац, каде што ограничувањето е 100 км/ч.

Со алкотестирање е утврдено дека возачот бил во тешка алкохолна интоксикација, со 1,41 промили алкохол во крвта.

Возачот веднаш бил исклучен од сообраќај и задржан во службените простории, а против него е поднесена прекршочна пријава за насилно возење и возење под дејство на алкохол.

Балкан

Вучиќ: Србија има гориво до 15 јануари

Српскиот претседател Александар Вучиќ увери дека Србија има обезбедено доволно керозин, мазут, дизел и бензин најмалку до 15 јануари, а можеби и до 25 јануари, обидувајќи се да ги смири граѓаните по информациите за проблеми во нафтената индустрија.

Иако државата веќе 70 дена функционира без увоз на нафта, Вучиќ истакна дека енергетскиот систем е стабилен и дека нема причина за паника пред претстојните празници. Тој сепак призна дека ситуацијата е комплицирана, особено поради статусот на Нафтната Индустрија Србија (НИС), за што Белград следната недела ќе испрати итни барања до американската канцеларија за контрола на странски средства (ОФАК) за добивање оперативна лиценца.

„Доволно керозин, мазут, дизел и бензин обезбедивме најмалку до 15 јануари, можеби и до 25 јануари. Никој не треба да се грижи, имаме безброј технички проблеми, но државата знае како да ги реши“, рече Вучиќ.

Претседателот потенцираше дека Србија нема да дозволи колапс на енергетскиот сектор и им се заблагодари на граѓаните за поддршката. „Ве уверувам дека ќе имате доволно од сè што е потребно за празниците. Ќе добивате навремени информации за секоја промена“, додаде тој.

Балкан

Тешка несреќа на Дурмитор: Турист загина по пад од жичара, жена тешко повредена

Трагичен инцидент се случи денеска на ски-центарот Савин Кук на Дурмитор, кога две лица – странски туристи – паднале од корпа на ски-лифт, при што едно лице го загуби животот, а друго се здоби со тешки повреди.

Несреќата се случила на жичара број два, во стрмниот втор дел од трасата што води кон Савин Кук. Според првичните информации, загинал маж, додека повредената жена е во свесна состојба и комуникативна.

На терен се ангажирани спасувачки и надлежни служби, кои вршат увид и ја утврдуваат причината за инцидентот. Првичните сознанија укажуваат на можен технички дефект во вториот дел од жичарата, по што корпата во која се наоѓале туристите започнала да се движи наназад.