Скопје

Ѓорѓиевски: Од депонии правиме паркови – отворен првиот инклузивен сообраќаен полигон и нов парк во Кисела Вода

Во општина Кисела Вода денес беше отворен првиот инклузивен сообраќаен полигон, сместен во рамки на нов уреден парк со површина од околу 1.250 м², на локацијата на поранешен запуштен простор кај Државното училиште за рехабилитација на деца и младинци со оштетен вид „Димитар Влахов“.

Градоначалникот Орце Ѓорѓиевски истакна дека грижата за лицата со попреченост е еден од врвните приоритети на општината и дека вложувањето во вакви проекти претставува конкретна потврда на таа заложба.

– Овој парк и полигон се симбол на инклузија и достапност. Се наоѓаат токму во училиште кое има специјална мисија – да обезбеди образование и поддршка за децата со оштетен вид. И затоа инвестираме тука – за да креираме средини што се прилагодени и корисни за сите, изјави Ѓорѓиевски.

Тој потсети дека поддршката кон ова училиште започнала уште на почетокот на неговиот мандат, со донација на книги на Брајова азбука, а сега добива и инфраструктурна димензија.

Новото уредено катче во Кисела Вода е дел од пошироката стратегија на општината за претворање на запуштени површини во зелени, функционални простори за сите генерации.

– Од депонии правиме паркови, од запуштени простори – безбедни катчиња за децата. Тоа е визијата со која продолжуваме, порача градоначалникот Ѓорѓиевски.

Скопје

Сообраќајна драма во Карпош – Го удрил со ретровизор па го претепал

Во скопската општина Карпош, денес се случи насилен инцидент во сообраќајот — маж бил удрен со ретровизор од страна на друг возач, по што следувал физички напад, објави локалниот портал.

Според пријавите, сè започнало со расправија на улица, по што насилниот возач прво го удрил со ретровизор на возилото, а потоа ја продолжил агресијата и физички нападнал лице кое било во колона пешаци/возачи.

Засега, нема официјална информација дали е поднесена кривична пријава, но случајот е пријавен кај надлежните служби и полицијата врши проверки.

Градските власти и полицијата апелираат до граѓаните да ја зголемат вниманието — да се воздржуваат од насилство и да реагираат цивилизиранo во конфликтни ситуации, особено во сообраќај.

Скопје

Скопската железничка станица се враќа во живот по две децении

Еден од приоритетите на новата влада е вложувањето во инфраструктурата, вклучително и железничкиот сообраќај, како товарен така и патнички. Покрај набавката на нови локомотиви и вагони, значајна инвестиција е обновата на железничката станица во Скопје, која ќе ја врати својата функција од пред 15-20 години, кога објектот се руинираше и стана нефункционален.

Почна чистењето и средувањето на станицата, информираше директорот на Железница Инфраструктура, Синиша Ивановски. „Со цел враќање на автентичниот изглед на станицата, започнавме со отстранување на сите билборди, светлосни реклами и други информативни панели кои години наназад го нарушуваа изгледот на објектот“, напиша Ивановски на својата Фејсбук страница и им се заблагодари на компаниите кои се согласиле да ги тргнат билбордите.

Проектот ќе се реализира во фази и ќе заврши со генерално чистење на надворешниот изглед на станицата и поставување соодветна илуминација.

Скопје

Започна редизајнот на железничката станица во Скопје

Скопје – Почна чистењето и средувањето на железничката станица во Скопје, информираше директорот на Железница Инфраструктура, Синиша Ивановски.

„Со цел враќање на автентичниот изглед на станицата, започнавме со отстранување на сите билборди, светлосни реклами и други информативни панели кои години наназад го нарушуваа изгледот на објектот“, напиша Ивановски на својата Фејсбук страница. Тој им се заблагодари на компаниите кои се согласиле да ги тргнат билбордите.

Проектот ќе се одвива во фази и ќе заврши со генерално чистење на надворешниот изглед на станицата и поставување соодветна илуминација, посочи директорот.