Црна Хроника

МВР: Сузбиени 14 организирани криминални групи

Министерството за внатрешни работи соопшти дека во периодот од 1 јули 2024 до 30 јуни 2025 година се сузбиени 14 организирани криминални групи, во кои учествувале 201 физички и 18 правни лица.

Во истиот период откриени се 64 случаи на криумчарење мигранти, со околу 430 лица вклучени во овие активности, како и спречени 6.000 обиди за илегално транзитирање, што претставува намалување од речиси 50% во однос на претходната година.

МВР информира дека во соработка со Европската агенција ФРОНТЕКС, континуирано се спроведуваат операции за контрола на границите и справување со безбедносните ризици. Покрај миграцијата, откриени се и случаи поврзани со фалсификување пари, тероризам, проституција, висока корупција во вредност од над 16 милијарди денари, недозволена трговија со дрога, како и нови случаи на криумчарење мигранти во соработка со меѓународни криминални мрежи.

Од Министерството нагласуваат дека борбата против илегалната миграција и организираниот криминал останува еден од стратешките приоритети, со јасна порака дека за криминалот нема место во македонското општество.

Црна Хроника

Шест лица приведени кај Прилеп, откриени пушки при полициска контрола

Шест лица се приведени во прилепско поради сомнение за „незаконит лов“, откако полициски службеници на 11 декември околу 15:30 часот извршиле контрола на патот Витолиште–Прилеп, на местото викано паркинг Штавица.

Приведени се С.А. (46), Х.Ј.Ј. (48), П.Т. (46) и 16-годишник – сите со шведско државјанство, како и Д.М. (76) од Кавадарци и К.М. (66) од Прилеп. Сите се сомничат за кривично дело по член 228 од Кривичниот законик – „незаконит лов“.

При преглед на возило „мерцедес“ со шведски регистарски таблички, управувано од С.А., полицијата пронашла шест ловечки пушки и пакување со свежо месо исечено на парчиња.

Приведените се задржани во ОВР Прилеп, а по целосно документирање на случајот ќе биде поднесена соодветна пријава.

Црна Хроника

Тепачка на пазар во тетовско – полицијата со детали

На 11.12.2025 во 16:00 часот во Полициското одделение Групчин се пријавиле Џ.Р.(57) и Б.Р.(34), двајцата од с.Стримница, тетовско. Според пријавеното, кај сточен пазар во с.Боговиње, по претходна расправија, физички го нападнале А.А.(58) од Тетово. По целосно документирање на случајот, ќе следува соодветен поднесок.

Црна Хроника

Млад скопјанец пронајден мртов во напуштен објект во Центар

На 12 декември 2025 година, околу 00:20 часот, во СВР Скопје било пријавено дека во напуштена куќа на подрачјето на општина Центар е пронајдено починато 25-годишното лице Е.Р. од Скопје.

Екипа на Итната медицинска помош на местото ја констатирала смртта, без видливи траги на насилство.

Полицијата извршила увид, а по наредба на јавен обвинител телото е предадено на обдукција со цел утврдување на причините за смртта.