Технологија

Еве зошто серијата Galaxy Watch8 е новиот омилен технолошки уред за секој биохакер

Се чувствувате како да сакате да се нурнете во ледена бања или да купувате додатоци за исхрана за „оптимизирање“ на вашиот живот?
Биохакирањето се однесува на тоа како личните здравствени податоци да се претворат во мали надградби кои го подобруваат здравјето и долгиот живот. Порнешните биохакери можеби ги следеле овие цели преку екстремни диети, додатоци и експериментални техники. Но, ако денес скролирате по вашиот фид на социјалните мрежи, технологијата е главна теме на разговорите.

На чело на ова движење поттикнато од технологија е серијата Galaxy Watch8¹. Идеално се интегрира во вашата дневна рутина и дискретно ја следи клучната метрика за животниот стил, овозможувајќи ви да видите како изборите што ги правите во текот на денот влијаат на вашето здравје.

Пред да се впуштиме подлабоко, да направиме брза проверка: колку од овие биохакови веќе се дел од вашата рутина?

Веќе ги совладавте вашите биохакови? Серијата Galaxy Watch8 ја усовршува секоја навика за побрзи и поефикасни резултати.

Оптимизирајте го вашиот сон со биохакирање

Секој од нас поминува околу 30% од животот спиејќи, но нередовниот распоред и неповолните услови сепак го нарушуваат одморот. Серијата Galaxy Watch8 го оптимизира сонот со анализа на вашите навики и средината во која спиете, идентификување на проблеми и давање практични совети кои помагаат да изградите конзистентни и обновувачки навики за сон.

Како да постигнам редовно спиење?

Носете го Galaxy Watch8 три ноќи за да ја отклучите функцијата Bedtime Guidance. Тоа ги анализира вашите навики за спиење и препорачува најдобри времиња за опуштање, врз основа на вашето „оптеретување при спиењето“ и циркадниот ритам, помагајќи ви да го ресетирате распоредот на спиење и да ја максимизирате будноста во текот на денот.

Како да го подобрам квалитетот на сонот?

Galaxy Watch8 го следи секое ваше превртување, свртување и дишење во текот на ноќта. Секое утро добивате детална анализа на спиењето, врз основа на фазите на спиење, пулсот, температурата на кожата и нивото на кислород, истакнувајќи што ѝ помогнало, а што ѝ пречело на вашата релаксација. Исто така, имате пристап до Sleep Environment Report (Извештај за спиење), кој користи податоци од другите SmartThings уреди за анализа на температурата во просторијата, влажноста, CO2 и осветлувањето. Со овие информации на дофат на раката, лесно можете да ги оптимизирате условите во просторијата за подобар ноќен сон.

Што можам да правам во текот на денот за да го подобрам сонот во ноќта?

Откако ќе се дефинираат вашите обрасци на спиење, Sleep Coaching ви доделува „Животно за спиење“ (Sleep Animal) и ви нуди персонализирани совети, како на пример кратка медитација или избегнување на кофеин подоцна во денот. Со Galaxy Watch8, мали, секојдневни подобрувања на навиките се лесни за имплементација, а подобрите ноќи се на дофат на рака.

Оптимизирајте ги вашите тренинзи со биохакинг

Некои луѓе тренираат за маратон, додека други само сакаат да се чувствуваат помалку затегнато по целодневното седење. Па, како да ги достигнете вашите цели, да останете мотивирани и да избегнете повреди? Сериската линија Galaxy Watch8 ви дава сите одговори, при тоа удобно седи на вашето зглоб благодарение на елегантниот дизајн и динамичниот систем на прицврстување.

• Како да поставам идеална фитнес цел за мене?

Вградениот Bioelectrical Impedance Analysis (BIA) сензор на Galaxy Watch8 ја мери вашата телесна маса на масти, процентот на вода во телото и скелетната мускулна маса, давајќи ви комплетна слика за вашето тело. Овие информации ви помагаат да создадете персонализиран план за тренинг и да го следите секој чекор од вашиот напредок.

• Како да почнам да трчам поуредно и редовно?

Започнете со Running Coach, кој го анализира вашиот ритам и фитнес ниво по само 12-минутно трчање за да креира персонализирана рутина. Исто така, ве мотивира за време на трчањето со повратни информации во реално време, помагајќи ви да ги достигнете вашите цели. Загрижени сте за можни повреди? Running Coach обезбедува прилагодени програми за тренинг со идеална интензитет, помагајќи ви безбедно да ја зголемите брзината.

• Како да ја максимизирам рехабилитацијата по тренинг?

Samsung Health ви дава алатки за оптимално закрепнување по вежбањето. Проверете го вашиот срцев ритам по интензивен тренинг и добијте препораки за внес на вода врз основа на изгубената пот, за да добиете потребен одмор и да се вратите посилни.

[Бонус совет] Испробајте Zone 2² интервален тренинг, познат по тоа што го подобрува издржливоста и го забрзува согорувањето на мастите. Galaxy Watch8 ја поставува персонализираната Heart Rate Zone врз основа на вашето фитнес ниво, за да останете во вашата лична HR Zone 2 за максимални резултати.

Оптимизирајте ја вашата исхрана со биохакинг

Откако ќе го контролирате сонот и физичката активност, свртете се кон секојдневните навики кои ја поддржуваат здравата старост. Сериската линија Galaxy Watch8 е првиот паметен часовник што го следи нивото на антиоксиданси, давајќи ви преглед во реално време на здравјето на вашите клетки и како секоја животна навика влијае врз него. Само поставете го палецот на сензорот на задната страна и добијте Instant Nutritional Feedback што порано бараше лабораториски тестови.

• Како да знам дали внесувам доволно овошје и зеленчук?

Користете го Antioxidant Index за да видите како вашата исхрана и животни навики влијаат врз здравото стареење. За само пет секунди, тој го мери каротеноидите — природни антиоксиданси од овошје и зеленчук — складирани во вашата кожа и дава резултат од 100. Исто така, нуди совети за подобрување на резултатот, како додавање повеќе шарено овошје и зеленчук, на пример моркови, брокула и портокали во оброците.

• Како можам да ги намалам нездравите навики?

Прво, треба да научиме повеќе за тоа како нашето тело е погодено од овие нездрави навики. Energy Score резултат нуди увид во тоа како фактори како внес на алкохол и грицкање навечер влијаат врз вашето здравје, додека Индексот на антиоксиданси директно покажува како овие навики влијаат — мотивирајќи ве да ги промените навиките и да усвоите поздрав начин на живот.

• Како лесно да го следам внесот на вода?

Правилната хидратација е есенцијална за оптимално функционирање, но често е тешко да се следи. Со Samsung Health можете да го следите внесот на вода со еден допир и да поставите дневна цел за хидратација. Galaxy Watch8 ќе го направи остатокот, испраќајќи персонализирани потсетници и следејќи трендови, за да останете во врвна форма без напор.

Серијата Galaxy Watch8 го претвора биохакирањето од популарен збор во секојдневна навика — персонализирано, практично и без напор. Носете го, следете ги увидите што се појавуваат и дозволете подоброто здравје да стане ваша втора природа.

¹ Достапноста и функциите може да варираат во зависност од пазарот, моделот и паметниот телефон со кој е поврзан; за детали посетете ја https://www.samsungmobilepress.com/feature-stories/great-health-can-happen-overnight-with-galaxy-watch. Не е наменето за откривање, дијагностицирање или лекување на каква било медицинска состојба. Резултатот е само за ваша лична ориентација. За совети, консултирајте се со медицински професионалец.

²Зона 2 се однесува на втората од петте зони на срцев ритам, односно 60% до 70% од вашиот максимален срцев ритам.

Технологија

TikTok останува во САД: Постигнат договор за нова американска компанија

По месеци неизвесност, популарната апликација TikTok ќе продолжи да функционира во САД, откако нејзината матична компанија ByteDance постигна договор за формирање нова заедничка компанија – TikTok US. Со тоа се стави крај на многу шпекулации за иднината на платформата која ја користат повеќе од 170 милиони Американци.

Според договорот, TikTok склучи обврзувачки спогодби со три големи инвеститори – Oracle, Silver Lake и фондот MGX – кои ќе учествуваат во новиот потфат. Извршниот директор на TikTok, Шоу Зи Чу, ја потврди зделката во внатрешна белешка до вработените, наведувајќи дека трансакцијата се очекува да биде финализирана на 22 јануари. „Вашата посветеност и труд овозможуваат TikTok да продолжи да расте и да се развива во САД и пошироко“, напиша Чу.

Според структурата на новата компанија, половина од TikTok US ќе биде во сопственост на американските инвеститори, со по 15% удел за Oracle, Silver Lake и MGX. ByteDance ќе задржи 19,9%, додека останатите 30,1% ќе бидат во рацете на поврзани субјекти на постојните инвеститори на кинеската компанија. Идентитетот на дел од останатите инвеститори засега не е откриен.

Заштита на податоците и националната безбедност ќе бидат клучни столбови на новата компанија. Корисничките податоци ќе се чуваат локално, на сервери управувани од Oracle, а алгоритмот на TikTok ќе биде повторно обучен врз основа на податоци од САД, со цел да се избегне надворешно влијание на содржините.

Алгоритмот долго време беше најспорната точка во дебатата за безбедноста на TikTok. Американските власти со години предупредуваа дека тој може да биде подложен на манипулации, додека кинеските закони инсистираа на контрола од ByteDance. Новиот договор овозможува алгоритмот целосно да се одвои од матичната компанија, во согласност со американското законодавство.

Договорот доаѓа по серија политички и правни пресврти. TikTok првично требаше да престане со работа во САД во јануари 2025 година, откако Конгресот усвои закон за забрана на апликацијата ако не најде нов сопственик. Платформата кратко време беше недостапна, но рокот беше повеќепати продолжен со извршни наредби, вклучително и од тогашниот претседател Доналд Трамп.

TikTok останува доминантна сила меѓу младите Американци: според Pew Research Center, околу 43% од Американците под 30 години редовно се информираат преку платформата – повеќе отколку преку YouTube, Facebook или Instagram. По објавувањето на договорот, акциите на Oracle пораснаа за 5% во постберзанското тргување, сигнализирајќи оптимизам на пазарот.

Со ова, TikTok не само што останува во САД, туку ја започнува својата следна ера со силен американски партнерски состав и засилена безбедност на податоците – на радост на милиони корисници ширум земјата.

Технологија

Reels од Инстаграм сега и на вашиот телевизор – мини видеа на голем екран

Се чини дека Инстаграм прави голем чекор во светот на домашната забава – Reels сега се префрлаат на големите екрани! Meta ја најави новата иницијатива „IG for TV“, која за прв пат ги носи кратките видеа на телевизорите. Првата станица на оваа револуција се Amazon Fire TV уредите, засега достапни само за корисниците во САД.

Како што пренесува TechCrunch, идејата е едноставна, но паметна: да им се овозможи на гледачите да „префрлат канал“ и да уживаат во Reels кога немаат концентрација за цел филм или серија. И како на мобилниот, така и на телевизорот, содржината ќе се прилагодува според вкусот на корисникот, но со една значајна промена – видеата ќе бидат организирани по тематски категории како комедија, музика, lifestyle и други, за да биде пребарувањето едноставно и интуитивно.

Reels на телевизорот ќе се репродуцираат автоматски, без потреба од континуирано скролување, а корисниците ќе можат лесно да прескокнуваат на следното видео. Дополнително, ќе постојат можности за лајкување, преглед на коментари и споделување со пријатели. Апликацијата ќе овозможува поврзување со постоечки Инстаграм профил, како и додавање до пет профили во истиот интерфејс, или пак отворање на посебен профил наменет само за телевизор.

Откако тестирањето на Amazon уредите во САД заврши, Meta најавува глобално проширување на услугата на други платформи, отворајќи сосема нов начин за уживање во кратките видеа од омилените креатори – директно од удобноста на каучот.

Технологија

Вештачката интелигенција станува стандард, кај нас сè уште исклучок

Годинава генеративната вештачка интелигенција (ВИ) се пробива во секојдневието на Македонија, но се уште не го освоила масовниот интерес. Според најновите податоци, околу еден од пет граѓани на возраст од 16 до 74 години (22%) користеле алатки базирани на ВИ. Најголем дел, 15,76%, ги користеле за лични цели, додека 8,55% ги вклучиле и во професионалната работа, а речиси еден од десет (9,4%) за формално образование.

Во споредба со просекот на Европската Унија, Македонија сè уште заостанува. Во ЕУ, речиси една третина од луѓето (32,7%) се служеле со генеративна ВИ годинава – најмногу за лични цели (25,1%), но и за работа (15,1%) и образование (9,4%).

Причините за воздржаност не се изненадувачки: 43% од граѓаните изјавиле дека едноставно немале потреба, 11% признале дека не знаат како да ги користат овие алатки, а 2% се загрижени за приватноста и безбедноста.

На ниво на Европа, Норвешка е несомнен лидер со 56,3% користење на ВИ, додека Турција се наоѓа на спротивниот крај со само 17,2%. Во регионот, најактивни се Грците (44,1%) и Словенците (37,6%), следени од Хрватска (27,5%), Бугарија (22,5%) и Македонија (22%). Најмалку ВИ се користи во Србија (18,6%) и Босна и Херцеговина (20,3%).

Во рамките на ЕУ, Данска, Естонија и Малта предводат со најголема распространетост на генеративна ВИ, додека Романија и Италија се на дното со само 17,8% и 19,9%.

Интернетот и натаму е основен дел од секојдневието. Во ЕУ, 94% од граѓаните користеле интернет во последните три месеци на 2025 година, а мобилните уреди остануваат најпопуларен начин за поврзување, со речиси 9 од 10 лица кои се служеле со нив. Во исто време, 74% купиле или нарачале производи и услуги онлајн.

И Северна Македонија бележи сериозен прогрес. Лани 91% од домаќинствата имале пристап до интернет, што е значителен скок од 69% во 2015 година. Само 6,86% од граѓаните ја поминале целата година без да се поврзат онлајн. Мобилните уреди доминираат со 91,5% употреба, додека лаптопот го користеле 35%, десктоп компјутер 20% и таблет 9%.

Најчесто, интернетот се користи за телефонски или видео разговори (86%), социјални медиуми (78%) и е-пошта (41%). Значителен раст се забележува и кај онлајн купувањето – 42% од граѓаните лани купиле или нарачале услуги и производи преку интернет, двојно повеќе отколку во 2020 година, кога тоа го направиле само 21%.