Црна Хроника

Полицијата санкционира 1.455 сообраќајни прекршоци за два дена

Во текот на 13 и 14 август 2025 година, полициските службеници низ целата држава санкционирале вкупно 1455 сообраќајни прекршоци.

Најмногу казни – 384 – биле изречени за надминување на дозволената брзина, додека 343 возачи се казнети за недозволено паркирање. Следат 51 прекршок за некористење сигурносен појас, 31 за користење мобилен телефон при возење, а 27 возачи поминале на црвено светло.

Од контролирани возачи, 145 управувале без возачка дозвола, 20 биле под дејство на алкохол и исклучени од сообраќај, а 179 мотоциклисти санкционирани за неносење заштитен шлем. Дополнително, седум возачи биле казнети поради неправилно затемнување на стаклата, а 39 нерегистрирани возила биле отстранети од сообраќај.

Министерството за внатрешни работи апелира до сите учесници во сообраќајот да ги почитуваат правилата и да придонесат за поголема безбедност на патиштата.

Црна Хроника

Брутален напад во Тетово: Маж претепан од четири лица на улица

На 15.12.2025 година во 22:20 часот во СВР Тетово, С.Р.(33) од с.Желино пријави дека на улица ,,113″ во Тетово, додека се движел со неговиот пријател, бил физички нападнат од четири лица. Според пријавеното, едниот од нив при нападот користел и метален предмет. Се преземаат мерки за расчистување на случајот.

Црна Хроника

Смртен случај во затворот во Штип – пронајден починат затвореник

Управата на казнено-поправната установа во Штип вчера претпладне известила дека во една од просториите е пронајдено безживотно тело на 40-годишен затвореник од Скопје.

По пријавата во 10:35 часот, увидна екипа и медицински тим излегле на терен. Смртта е потврдена од страна на лекар, кој не забележал знаци на насилство врз починатиот. Јавното обвинителство издаде наредба за вршење на обдукција за расчистување на случајот.

Црна Хроника

Сообраќајна трагедија: Велосипедист го загуби животот по судир со камион во Гостивар

76-годишен маж го загуби животот денеска во сообраќајна несреќа што се случи на една од градските крстосници. Според информациите од МВР, несреќата се случила точно во 12:35 часот на спојот меѓу улиците „Илинденска“ и „Седек Костовски“, кога товарно возило „мерцедес“ удрило во повозрасниот велосипедист.

Иако И.М. бил итно пренесен во Медицинскиот центар во Гостивар, лекарите само ја констатирале неговата смрт. Полицијата реагираше брзо и го лиши од слобода 44-годишниот возач на камионот. По целосно документирање на случајот, против него ќе биде поднесена соодветна кривична пријава во координација со Јавното обвинителство.