Балкан

Алармантна е состојбата во Србија – Вучиќ го свика Советот за безбедност

Белград, 19 август 2025 – Тензичната состојба во Србија не стивнува, шеста вечер по ред граѓаните протестираат против полициската бруталност и владејачките политики. Немирите кулминираа во Белград, каде што беа провалени канцелариите на Српската напредна партија, а полицијата реагираше со солзавец и апсења.

По инцидентите, денеска во Палата Србија се одржа седница на Советот за национална безбедност, на која присуствуваше државниот врв и претставници на МВР и вооружените сили. На дневен ред биле безбедносната состојба, протестите, како и прашања за Косово и Метохија, Босна и Херцеговина и Република Српска.

Претседателот Александар Вучиќ ги оцени протестите како насилни и порача дека нема да дозволи државата да биде загрозена од „внатрешни и надворешни непријатели“. Тој најави засилени мерки за спречување на немирите.

Според српското МВР, во Белград се уапсени 16 студенти кои, според пријавите, кршеле прозорци, палеле контејнери и фрлале камења кон полицијата.

Меѓународната заедница изразува сериозна загриженост. „Ле Монд“ ја спореди кризата со протестите во Киев од 2013–2014 година, предупредувајќи дека насилните апсења и демолирањето на партиски канцеларии се сценарио што никој не го посакува. Германските медиуми пак сметаат дека ситуацијата е обид за замолчување на правото на протест.

Демонстрантите најавија дека нема да се откажат од своите барања, а студентскиот пленум започна иницијатива за собирање потписи за распишување предвремени избори.

Балкан

Пијан возач фатен со 200 км/ч

Припадници на Министерството за внатрешни работи на Србија денес околу 14 часот го запреа Д.В. (39) во Лозница, кој управуваше возило „суди“ со брзина од 200,8 километри на час на дел од патот Лозница – Шабац, каде што ограничувањето е 100 км/ч.

Со алкотестирање е утврдено дека возачот бил во тешка алкохолна интоксикација, со 1,41 промили алкохол во крвта.

Возачот веднаш бил исклучен од сообраќај и задржан во службените простории, а против него е поднесена прекршочна пријава за насилно возење и возење под дејство на алкохол.

Балкан

Вучиќ: Србија има гориво до 15 јануари

Српскиот претседател Александар Вучиќ увери дека Србија има обезбедено доволно керозин, мазут, дизел и бензин најмалку до 15 јануари, а можеби и до 25 јануари, обидувајќи се да ги смири граѓаните по информациите за проблеми во нафтената индустрија.

Иако државата веќе 70 дена функционира без увоз на нафта, Вучиќ истакна дека енергетскиот систем е стабилен и дека нема причина за паника пред претстојните празници. Тој сепак призна дека ситуацијата е комплицирана, особено поради статусот на Нафтната Индустрија Србија (НИС), за што Белград следната недела ќе испрати итни барања до американската канцеларија за контрола на странски средства (ОФАК) за добивање оперативна лиценца.

„Доволно керозин, мазут, дизел и бензин обезбедивме најмалку до 15 јануари, можеби и до 25 јануари. Никој не треба да се грижи, имаме безброј технички проблеми, но државата знае како да ги реши“, рече Вучиќ.

Претседателот потенцираше дека Србија нема да дозволи колапс на енергетскиот сектор и им се заблагодари на граѓаните за поддршката. „Ве уверувам дека ќе имате доволно од сè што е потребно за празниците. Ќе добивате навремени информации за секоја промена“, додаде тој.

Балкан

Тешка несреќа на Дурмитор: Турист загина по пад од жичара, жена тешко повредена

Трагичен инцидент се случи денеска на ски-центарот Савин Кук на Дурмитор, кога две лица – странски туристи – паднале од корпа на ски-лифт, при што едно лице го загуби животот, а друго се здоби со тешки повреди.

Несреќата се случила на жичара број два, во стрмниот втор дел од трасата што води кон Савин Кук. Според првичните информации, загинал маж, додека повредената жена е во свесна состојба и комуникативна.

На терен се ангажирани спасувачки и надлежни служби, кои вршат увид и ја утврдуваат причината за инцидентот. Првичните сознанија укажуваат на можен технички дефект во вториот дел од жичарата, по што корпата во која се наоѓале туристите започнала да се движи наназад.