Црна Хроника

Трагедија во Бардовци: Осуденик уби друг осуденик по напад со стаклен предмет

Во Психијатриската болница во Бардовци се случи трагичен инцидент во кој животот го загуби 62-годишен осуденик. Скопската полиција поднесе кривична пријава за убиство против 35-годишниот Д.С. од Скопје, кој се сомничи дека го нападнал својот цимер со стаклен предмет.

Настанот се случил на 5 август годинава во соба од судскиот оддел на установата, по претходно недоразбирање меѓу двајцата осуденици. Жртвата добила тешки повреди и веднаш била префрлена во Комплексот клиники „Мајка Тереза“ во Скопје, но и покрај напорите на лекарите, починала.

Полицијата го документирала случајот и поднела соодветна кривична пријава до обвинителството. Случајот ќе биде предмет на понатамошна истрага, а надлежните институции нагласуваат дека обезбедувањето на безбедноста во здравствените установи останува врвен приоритет.

Црна Хроника

Исчезна 30-годишен скопјанец

На 15.12.2025 во 01:50 часот во Полициската станица Гази Баба, И.Т.(51) од с.Инџиково, скопско, пријави дека од домот се оддалечил неговиот син А.Т.(30).

Се преземаат мерки за пронаоѓање на лицето.

Црна Хроника

Примил мито од 50.000 евра за да влијае кај судија – МВР со детали

Полициски службеници по наредба на јавен обвинител од Основното јавно обвинителство за гонење на организиран криминал и корупција го лишија од слобода Ф.С. поради сторено кривично дело – Примање награда за противзаконито влијание.

Во периодот од октомври до 13.12.2025 година осомничениот примил вкупен износ од 50.000 евра за да посредува и да го искористи своето реално влијание за да интервенира кај судија во Апелациониот суд Скопје и за со поткуп кон судијата да влијае за да се изврши службено дејствие што не би смеело да се изврши.

Првично, осомничениот побарал 100.000 евра за да влијае за укинување на мерка притвор определена кон лице кое е недостапно на органите на прогонот и против кого ОЈОГОКК води друга постапка за кривични дела против јавните финансии, платниот промет и стопанството. На 06.10.2025 година примил дел од побараниот износ и тоа 30.000 евра, што му ги предала сестрата на лицето во бегство. На 13.12.2025 година директно побарал и примил уште 20.000 евра како дел од поткупот што го барал за да го даде на судијата.

Непосредно по примањето на паричните средства осомничениот е лишен од слобода и кај него се пронајдени парите.

Црна Хроника

Лажен полицаец измами старица за 23.300 евра, уапсен на граница

Полицијата од Опатија уапси 46-годишен хрватски државјанин кој измами 79-годишна жена за 23.300 евра. Измамникот се претставувал како полицаец и ја убедил старицата дека истражува хакерски напад врз нејзините банкарски сметки. Тој ја натера да ги подигне сите свои пари за наводна проверка на истрагата.

На 12 декември, жртвата му ги предала парите пред својата куќа, по што измамникот се обидел да ја напушти земјата. Благодарение на брза и координирана акција на полицијата, тој бил уапсен на граничниот премин во Брод-Посавина, а целата украдена сума веднаш била вратена на сопственичката.

Против осомничениот е поднесена кривична пријава, тој е предаден на надзорникот на притвор, а истрагата продолжува.