Црна Хроника

Тешка сообраќајна несреќа на патот Скопје – Долно Блаце, пешак од Украина загина

На 22 август 2025 година, околу 18:00 часот, во СВР Скопје било пријавено дека на магистралниот пат Скопје – Граничен премин Долно Блаце, патничко возило „фолксваген голф“ со германски регистарски ознаки, управувано од 22-годишната Б.С. од Косово, удрило во пешакот К.М. (53) од Украина.

Пешакот се здобил со тешки телесни повреди и бил пренесен со возило на Итна медицинска помош од Косово во најблиската болница, каде што во 20:20 часот им подлегнал на повредите. Лекар ја констатирал смртта, а по наредба на јавен обвинител телото било дадено на обдукција.

Возачката Б.С. се здобила со повреди, констатирани во приватна болница во Скопје. На местото на несреќата извршен е увид од јавен обвинител и екипа на СВР Скопје, а се работи на расчистување на случајот.

Црна Хроника

Голем дефект на 110kV трафостаницата “Тетово 1” го остави цело Тетово без струја

Дел од корисниците во Тетово се без снабдување со електрична енергија поради дефект на 110 kV трафостаницата „Тетово 1“, информираат од Електродистрибуција.

Како што соопштуваат, прекинот во електроснабдувањето започнал од 16 часот, а екипите на Електродистрибуција се на терен и интензивно работат на отстранување на дефектот и нормализирање на снабдувањето со електрична енергија.

Црна Хроника

Застој на автопатот Скопје–Тетово, камион се превртел кај Желино

Тешка сообраќајна незгода се случи пред малку на автопатот Скопје – Тетово. Според првичните информации, камион се превртел веднаш по наплатната рампа кај Желино, што предизвика значителен застој во сообраќајот.

Блокирани се првите две ленти, а возилата се пропуштаат само по третата лента.

Дополнителен проблем за возачите претставуваат временските услови. На овој патен правец има појава на густа магла, која значително ја намалува видливоста.

Се апелира до сите учесници во сообраќајот да ја прилагодат брзината на условите на патот, да држат соодветно растојание и да бидат исклучително внимателни додека поминуваат на овој потег додека трае увидот и расчистувањето на теренот.

Црна Хроника

Две жени нападнати во автобуси на ЈСП во Скопје

Во два одделни инциденти на 19 декември 2025 година, две жени од Скопје биле физички нападнати додека се возеле во автобуси на ЈСП.

Првиот случај се случил околу 15:00 часот во подрачјето на Гази Баба, кога А.С. (46) пријавила дека била нападната од И.С. (39) од Скопје.

Вториот инцидент се случил околу 17:20 часот во подрачјето на Драчево, кога С.Ј. (55) била нападната од непознато женско лице додека се качувала во автобус.

Полицијата презема мерки за расчистување на двата случаи.