Балкан

Судири во Нови Сад: Напнатост околу комеморацијата за настрешницата

Денеска се одбележуваат 10 месеци од уривањето на настрешницата на Железничката станица во Нови Сад, при што загинаа 16 лица. Граѓаните се повикани на 16 минути молчење во 11:52 часот, а вечерва средношколците најавија комеморативна прошетка.

Утрово, ситуацијата е напната околу Факултетот за спорт и физичко образование. Три маскирани лица скршија прозорци и влегоа во зградата додека студентите беа заклучени внатре. Полицијата интервенираше, а на влезот избувнаа судири меѓу граѓаните и полицијата.

Академската мрежа „Слободен универзитет“ го осуди нападот, нагласувајќи дека блокирањето на пристапот и присуството на полицијата претставуваат преземање на универзитетска институција и кршење на правата на студентите.