Голема полициска акција во отпадите кај Вардариште во координација со ОЈО

Обемна полициска акција на СВР Скопје во соработка со Јавното обвинителство, потврдуваат извори за ТВ21.

Акцијата се одвива во отпадите во близина на Вардариште, каде што полициски службеници разговараат со дел од присутните лица.

Моментално не се објавени детали за целта и исходот на акцијата, но присуството на голем број полициски екипи укажува на сериозноста на случајот.

Видео/Извор ТВ21

Лажна сообраќајна несреќа во Тетово – Поднесени кривични пријави

СВР Тетово поднесе кривична пријава против А.Б. (44), М.А. (39) и Г.Ш. (25), сите од Тетово, поради сомнение за кривично дело измама.

На 16 декември 2024 година, тројцата се обиделе со лажно прикажување на настан да измамат полицајци од сообраќајната полиција. Тие во круг на автоперална на ул. „Маршал Тито“ во Тетово фиктивно ги судриле возилата – „БМВ“ со швајцарски и „БМВ“ со тетовски регистарски ознаки – со цел да наплатат осигурување од осигурително друштво.

Црна Хроника

Полицаец повреден додека регулирал сообраќај

Полицаец е повреден откако бил физички нападнат од скопјанец додека го регулирал сообраќајот за време на протест во Скопје, соопшти МВР.

Инцидентот се случил вчера (23.12.2025) на крстосницата на булеварот Никола Карев со улицата Македонско-косовска бригада, на подрачјето на Бит-пазар. Напаѓачот, А.С. (24) од Скопје, бил приведен од полицијата.

Повредениот полициски службеник бил пренесен во Градската општа болница „Св. Наум Охридски“, каде му биле констатирани телесни повреди.

Црна Хроника

Женa пронајдена мртва во езерцето во Градскиот парк во Струмица

Во Струмица, синоќа околу 01:45 часот, во Градскиот парк е пронајдена почината жена во едно од езерцата, потврдија од Регионалниот центар за управување со кризи – Струмица.

На местото на настанот веднаш излегле јавен обвинител и полициски службеници, кои извршиле увид. Телото на жената е предадено на Судска медицина за обдукција, со цел да се утврдат точните причини за смртта.

Од Министерството за внатрешни работи информираат дека подетални информации за случајот ќе бидат објавени во текот на денот.