Скопје

Бајрам Вардар со тимот на турски експерти веќе работи на изработка на Мастер планот за развој на Чаир

Еден реномиран тим експерти од Турција, предводен од Бајрам Вардар, веќе се наоѓа во Чаир и има започнато теренска работа на изработката на Мастер планот за развој, во рамки на програмата на кандидатот на коалицијата Вреди за градоначалник на општина Чаир, Изет Меџити.

Со длабоко искуство во урбанистичко планирање, архитектура и управување со простор, овие професионалци интензивно работат на креирање на една модерна, функционална и одржлива визија за иднината на општината Чаир.

Во составот на експертскиот тим се вклучени неколку од најпочитуваните имиња во своите области, како:

Надир Доган, урбанист со диплома од Универзитетот „Гази“, основач на компанијата ND İMAR A.Ş., познат по голем број урбанистички проекти во градови како Истанбул, Бурса, Коџаели и Трабзон. Тој е експерт за просторно планирање и урбана трансформација.

Д-р Мустафа Тутар, архитект дипломиран на Техничкиот универзитет во Истанбул, со магистратура на University of Missouri (САД) и докторат во областа на урбанизмот. Тој е универзитетски професор и основач на компанијата Saydam Tasarım, со повеќе од 800 меѓународни проекти во областа на архитектонски дизајн и визуелизација.

Заедно со други експерти од Турција и домашни професионалци, овој тим работи на изработка на сеопфатен Мастер план за развој, кој има за цел да ја позиционира Чаир како пример за одржлив урбан развој во регионот.

Овој конкретен чекор е силен доказ за сериозноста и визијата што ја носи кандидатурата на Изет Меџити за градоначалник на Чаир.

Скопје

Николоски: Карпош добива нов урбан лик со реконструкција на над 15 улици

Преку петнаесетина улици ќе се реконструираат во општина Карпош со подршка на Владата. Општината полека ќе го смени урбаниот лик и ќе се развива, истакна вицепремиерот и министер за транспорт Александар Николоски при денешната посета на општина Карпош.

Николоски заедно со градоначалникот Сотир Лукровски извршија увид во реконструкција на ул. Јуриј Гагарин, проект кој се реализира со подршка на Министерството за транспорт, а во заедничка соработка со општината.

“ Ова беше заглавен проект, ова беше проект без разлика што имавме обезбедено средства, не можевме да го реализираме. Откако беше избран за градоначалник, заедно со службите во општината, успееја да ги решат сите предизвици на овој проект, да се решат проблемите и еве веќе се гради и ако се оди добро и не послужи времето до Нова година може да се заврши оваа улица, паркингот зад зградите и да се добие нов урбан лик на овој простор. Сакам да најавам дека дополнително на ова имаме уште еден проект кој се реализира со Светска банка во вредност од над 13 милиони денари, тоа е улицата Петар Чаулев, целосна реконструкција околу 600 метри што дополнително се надевам ќе допринесе за урбаниот развој на општината. На тоа додаваме уште дванаесетина проекти кои што ги резлизираме преку вториот повик на Владата и севкупно имаме значајни проекти за општина Карпош. Тука е и подршката на Владата, мојата лична подршка за дополнителни работи кои треба да ги направиме во Карпош. Со изборот на новиот градоначалник, со неговата напорна работа се гледаат промените и навистина сите имаме желба да помогнеме и да се случуваат убави работи во општина Карпош”-изјави вицепремиерот Николоски.

Скопје

Прекин на електрична енергија денеска во Горно Нерези, Глуво и Мирковци

Регионалниот центар за управување со кризи (РЦУК) информира, повикувајќи се на известување од ЕВН Македонија, дека денес од 9:00 до 15:00 часот ќе има прекин во снабдувањето со електрична енергија за корисниците од неколку населени места.

Прекинот ги опфаќа корисниците од селото Горно Нерези и корисниците од селата Глуво и Мирковци.

Станува збор за планиран прекин, а корисниците се повикуваат на трпение до завршувањето на работите.

Скопје

Жителите на одредени делови од Аеродром денес без вода

Јавното претпријатие „Водовод и канализација“ – Скопје информираше за привремен прекин во водоснабдувањето за дел од корисниците лоцирани на булеварот „АСНОМ“, во населбата Аеродром.

Прекинот, кој започна вечерва во 18:45 часот, е предизвикан од уличен водоводен дефект на цевка со дијаметар Ф100 мм, конкретно кај број 74 на булеварот.

Погодени корисници ќе бидат корисниците лоцирани на булевар „АСНОМ“ од број 70 до број 116.

Екипите на ЈП „Водовод и канализација“ се на терен и работат на отстранување на дефектот. Водоснабдувањето ќе биде нормализирано веднаш по завршувањето на работните активности, за што јавноста ќе биде дополнително известена.