Црна Хроника

Лишени од слобода возачи од Скопје, Делчево и Тетовско поради пребрзо возење

Скопје – Четворица возачи од Скопје, Делчево и тетовско се лишени од слобода вчера поради управување со возила со значително надминување на дозволената брзина, информираат од Министерството за внатрешни работи.

Во тетовското село Теарце, Ј.Р.(32) од с.Доброште управувал „рено меган“ со брзина од 107 километри на час во населено место каде ограничувањето е 50 километри на час.

На автопатот Скопје-Тетово, А.М.(43) од с.Лисец, тетовско, управувал „бмв“ со германски регистерски таблици со брзина од 176 километри на час, каде максимално дозволената брзина е 100 километри на час.

Во Штип, на ул. „Железничка“, Д.Ц.(48) од Скопје возел „шкода“ со брзина од 107 километри на час на место каде ограничувањето е 50 километри на час.

Во Делчево, Н.Т.(19) управувал „шкода“ со скопски регистарски ознаки со брзина од 128 километри на час на бул. „Македонија“, каде ограничувањето е 60 километри на час.

По целосно документирање на случаите, против сите четворица ќе бидат поднесени пријави по член 297-а од Кривичниот законик за „безобѕирно управување со моторно возило“.

Црна Хроника

Уапсени 12 лица за дрога во училиште, половина од нив малолетни

Грчката полиција уапси 12 лица поради трговија со дрога во училиште во регионот Атика, меѓу кои шест се малолетници. Акцијата ја спровела Дирекцијата за безбедност на Атика, која открила организиран синџир за продажба на наркотични средства, јавуваат грчките медиуми.

Според информациите, осомничените продавале кокаин и хашиш, при што дел од нелегалните активности се одвивале во училишен објект. Надлежните соопштија дека дрогата била дистрибуирана и за време на петдневна училишна екскурзија.

Истрагата продолжува, а против уапсените ќе бидат преземени соодветни законски мерки.

Црна Хроника

Женска пресметка пред локал во Скопје, полицијата интервенираше

Во инцидентот бил вмешан и сопругот на една од учесничките, МВР најави соодветни мерки

На 19 декември 2025 година околу 12:55 часот, во СВР Скопје било пријавено нарушување на јавниот ред и мир пред угостителски објект во Скопје. Според пријавата, И.Ј. (32) од Скопје физички ја нападнала М.Н.Д. (30), исто така од Скопје.

Набргу потоа, во 13:00 часот, било пријавено дека пред истиот угостителски објект И.Ј. била физички нападната од својот сопруг С.Ј. (29), информираат од Министерството за внатрешни работи.

Од МВР соопштуваат дека по целосно документирање на настанот ќе биде поднесен соодветен поднесок.

Црна Хроника

Три пожари во Скопје за една ноќ: Гореше обложувалница и две возила

Во текот на ноќта на 19 декември 2025 година, Скопје беше погодено од три одделни пожари на различни локации, соопшти Министерството за внатрешни работи.

Првиот пожар се случил на 16 декември, кога тенда на обложувалница во Карпош била опожарена во периодот од 18:00 до 19:00 часот. Во инцидентот нема повредени лица, а полицијата продолжува со истрагата.

Истата ноќ, во 00:40 часот, 53-годишниот А.А. пријавил дека неговото патничко возило „мерцедес“ на улицата „Христо Татарчев“ во Кисела Вода се запалило. Пожарот бил изгаснат од екипи на Бригадата за противпожарна заштита, без повредени лица.

Неколку часа подоцна, во 06:49 часот, 52-годишниот Г.Ј. пријавил пожар во своето возило „опел“ на иста улица. И во овој случај нема повредени, а пожарот бил навремено изгаснат.

Од МВР истакнуваат дека продолжуваат активностите за утврдување на причините за пожарите и целосно расчистување на сите случаи.