Црна Хроника

Пукање во Скопје: Полицијата со предупредувачки истрел спречи разбојништво во маркет

Скопје – Рано утрово на улицата „Џон Кенеди“ во Чаир полицијата спречи обид за разбојништво во маркет, откако три машки лица насилно се обиделе да влезат во објектот.

Од МВР информираа дека околу 5 часот по добиена пријава веднаш реагирале екипи на Единицата за интервентна полиција и полициската станица Бит-пазар.

„Откако ги забележале полициските службеници, лицата се дале во бегство, по што еден полицаец испукал предупредувачки истрел во воздух. По преземените мерки, од слобода се лишени А.Х. (23) и Е.А. (19), а за едно лице се преземаат мерки за пронаоѓање“, соопштија од Министерството.

По целосно расчистување и документирање на случајот, против осомничените ќе бидат поднесени соодветни пријави.

Црна Хроника

Лажел дека е туристички агент и украл 6.080 евра

Кривична пријава за измама поднел СВР Куманово против Е.Б.(33) од Куманово.

Како што соопшти полицијата, тој се претставил како вработен во туристичка агенција во Куманово и на измама од едно лице, за резервација за летување за две семејства во Турција, зел 373 890 денари (6.080 евра), соопшти СВР Куманово.

Црна Хроника

Кривична за багеристот што го остави Тетово без струја

СВР Тетово поднесе кривична пријава против Б.А. (44) од с. Боговиње, како и против Ф.А. (45) од с. Боговиње, управител на правен субјект, товарејќи ги за сторено кривично дело „уништување или оштетување на јавни инсталации“.

На 29 септември, првопријавениот во дворот од Клиничка болница Тетово, додека работел со багер во сопственост на правното лице, оштетил електрични кабли за струја, по што, голем дел од градот Тетово останал без електрична енергија.

Црна Хроника

Интервентната полиција приведе тежок криминалец – МВР со детали

Лишено од слобода лице барано со потерница за издржување казна затвор

Денеска (18.12.2025) во 16:30 часот полициски службеници од Единицата за интервентна полиција при СВР Скопје по издадена судска наредба го лишија од слобода Е.Т. (26) од Скопје во врска со сторено кривично дело “Тешка кражба” за издржување на казна затвор во времетраење од три години.

По целосно документирање на случајот лицето ќе биде предадено во казнено-поправна установа.