Црна Хроника

Туристите ограбени на Халкидики – двајца крадци украле сè што можеле!

Грчката полиција објави дека по темелна истрага на полициската станица Касандра беа расветлени 13 кражби извршени од двајца грчки државјани во туристичките области на Халкидики во текот на летото.

Еден од нив е уапсен додека управувал украдено возило заедно со соучесникот, кој се уште е во бегство, но е идентификуван. Уапсениот се обидел да побегне пеш, но бил брзо фатен.

Истрагата покажала дека двајцата извршиле шест кражби од туристички сместувачки капацитети, две од куќи, две кражби на торби од капачи, една кражба на чанта од пешак и една на мотор. При овие кражби биле одземени четири автомобили, еден мотор, повеќе од 9.000 евра во различни валути, накит во вредност од над 10.000 евра, два часовници, два пара очила за сонце, два мобилни телефони и банкарски картички.

Уапсениот имал кај себе 380 евра, 1.850 српски динари, кокаин од 0,6 грама, два клуча од возило и два мобилни телефони. Дел од украденото веќе е вратено на сопствениците.

Грчката полиција продолжува со истрагата за да го фати и вториот осомничен и да се расчистат сите детали околу извршените кражби.

Црна Хроника

Голем дефект на 110kV трафостаницата “Тетово 1” го остави цело Тетово без струја

Дел од корисниците во Тетово се без снабдување со електрична енергија поради дефект на 110 kV трафостаницата „Тетово 1“, информираат од Електродистрибуција.

Како што соопштуваат, прекинот во електроснабдувањето започнал од 16 часот, а екипите на Електродистрибуција се на терен и интензивно работат на отстранување на дефектот и нормализирање на снабдувањето со електрична енергија.

Црна Хроника

Застој на автопатот Скопје–Тетово, камион се превртел кај Желино

Тешка сообраќајна незгода се случи пред малку на автопатот Скопје – Тетово. Според првичните информации, камион се превртел веднаш по наплатната рампа кај Желино, што предизвика значителен застој во сообраќајот.

Блокирани се првите две ленти, а возилата се пропуштаат само по третата лента.

Дополнителен проблем за возачите претставуваат временските услови. На овој патен правец има појава на густа магла, која значително ја намалува видливоста.

Се апелира до сите учесници во сообраќајот да ја прилагодат брзината на условите на патот, да држат соодветно растојание и да бидат исклучително внимателни додека поминуваат на овој потег додека трае увидот и расчистувањето на теренот.

Црна Хроника

Две жени нападнати во автобуси на ЈСП во Скопје

Во два одделни инциденти на 19 декември 2025 година, две жени од Скопје биле физички нападнати додека се возеле во автобуси на ЈСП.

Првиот случај се случил околу 15:00 часот во подрачјето на Гази Баба, кога А.С. (46) пријавила дека била нападната од И.С. (39) од Скопје.

Вториот инцидент се случил околу 17:20 часот во подрачјето на Драчево, кога С.Ј. (55) била нападната од непознато женско лице додека се качувала во автобус.

Полицијата презема мерки за расчистување на двата случаи.