Балкан

Рама воведува министер за вештачка интелигенција: Револуција или ризик?

Премиерот Еди Рама го претстави составот на новата албанска влада, со значајни кадровски промени и новитети. Белинда Балуку останува потпретседателка на владата и министерка за инфраструктура и енергетика, додека Пиро Венгу продолжува во ресорот одбрана, а Петрит Малај за финансии.

На чело на Министерството за Европа и надворешни работи за првпат ќе биде жена, Елиса Спиропали, досегашна претседателка на Парламентот. Нови министерки се Делина Ибрахимај за економија, Бленди Гонџја за туризам, Мирела Кумбаро за образование, Евис Сала за здравство, Бесфор Ламалари за правда и Ервин Демо за локална самоуправа. Тони Гога ќе биде државен министер за односи со Парламентот, а новитет е и Министерството за вештачка интелигенција за јавни набавки, креирано со помош на вештачка интелигенција.

Половина од министрите се од претходната влада, дел трансферирани во нови ресори. По конституирањето на Парламентот, Еди Рама ќе го достави списокот на предложени министри до претседателот, кој ќе потпише уредба во рок од седум дена. Имињата потоа ќе бидат ставени на гласање во Собранието, заедно со презентирањето на програмата на новата влада со фокус на реформите за европска интеграција под слоганот „Албанија 2030 во ЕУ“.

На конститутивната седница на парламентот ќе биде избран и претседател на Парламентот, за што Рама го предложи поранешниот министер за одбрана, Нико Пелеши. Првата седница ќе ја води највозрасниот пратеник, социјалистот Васил Лајо, откако повозрасните опозициски пратеници од Демократската партија се воздржаа од тоа.

Балкан

Вучиќ: Белград e под притисок од сите страни, без вистинска поддршка од светските сили

Српскиот претседател Александар Вучиќ изјави дека Србија формално останува на европскиот пат, но во практика нема поддршка од ниту една голема сила – ниту од Истокот, ниту од Европската Унија, ниту од Соединетите Американски Држави.

Говорејќи на годишната конференција со претставниците на дипломатско-конзуларната мрежа, Вучиќ оцени дека Србија не го почувствувала очекуваниот напредок во односите со САД, ниту во делот на царините, ниту во врска со санкциите кон Нафтената индустрија на Србија (НИС), која е во мнозинска руска сопственост.

Тој истакна дека кога Србија се соочувала со тешкотии, ниту една од големите сили не застанала отворено зад Белград, туку, како што рече, сите поставувале дополнителни барања и вршеле притисок, без да понудат конкретна поддршка.

Вучиќ потсети и на неусешниот обид за приближување кон новата американска администрација, кога српската делегација не учествуваше на планиран настан во Флорида. Воедно, тој повтори дека Србија не се откажува од ставот дека Косово и Метохија се составен дел од државата и нагласи дека, според него, меѓународните договори што се однесуваат на ова прашање не се почитуваат.

Балкан

Инцидент во Лерин: Македонска песна забранета на празнична прослава

За време на празничната прослава на Коледе во Лерин (Флорина), настап на македонската народна песна „Софка на татко“ беше прекинат по интервенција на градоначалникот Василеос Гианакис. Музичкиот бенд „Ендопика“ бил укажан дека не смее да пее на македонски јазик и дека песната може да се изведе исклучиво во инструментална форма.

Според активистот Павле Васкопулос, ваквите случаи на притисок и дискриминација не се новина за Македонците во Леринско, Костурско и Воденско. Тој истакна дека граѓаните кои јавно зборувале за своите права често биле етикетирани како „скопски агенти“. Телевизија 24 побара став од Општина Лерин, но до објавувањето на прилогот одговор не е добиен.

Црлиот текст може да го прочитате на Телевизија 24

Балкан

Снежно невреме го зафати регионот

Обилни снежни врнежи денес ја зафатија територијата на општина Кладово, а сите расположиви екипи се на терен и работат на расчистување на патиштата.

Градоначалникот Саша Николиќ ја посети локацијата заедно со дежурните служби за да се увери дека активностите се одвиваат според планот. „Сите надлежни служби, како и расположивата механизација, се на терен. Моментално се работи на расчистување на патот во населбата Пропажешќе, како и на патниот правец до Петрово Село“, изјави Николиќ за РИНА.

Тој апелираше до возачите да ја прилагодат брзината и вниманието на условите на патот и да ги следат препораките на надлежните служби. „Ги молам граѓаните да бидат дополнително внимателни во сообраќајот“, нагласи градоначалникот.