Црна Хроника

Голема акција во источна Македонија: Приведени полициски началник, директор на „Македонски шуми“ и газди на фирми

Во тек е голема полициска акција на подрачјето на Берово, Пехчево и Делчево насочена кон разбивање на организирана криминална група која со години вршела нелегална сеча на шуми, злоупотреба на службена положба, примање и давање поткуп и други тешки кривични дела против животната средина.

Неофицијално, меѓу приведените се актуелен директор на ЈП „Македонски шуми“, полициски началник, повеќе полициски службеници, шумски полицајци, службено лице од подрачна единица на Министерството за земјоделие, како и сопственици на приватни компании. Тие се сомничат дека систематски организирале нелегална сеча и транспорт на дрвна маса, која потоа преку коруптивни врски ја пласирале како легално исечена.

Според информации од истрагата, групата функционирала како злосторничко здружение со единствена цел – остварување личен профит на сметка на државата и природните ресурси. Иако пустошењето на шумите било очигледно, со години не биле преземени мерки за негово запирање.

Оваа акција, велат од институциите, е јасна порака дека корупцијата, уништувањето на природата и злоупотребата на функциите нема да бидат толерирани, без оглед на тоа кој стои зад нив.

Шумите се национално богатство што мора да се сочува за идните генерации, а полицијата и Владата најавуваат продолжување на решителни акции против сите кои ја загрозуваат животната средина.

Извор: kurir

Црна Хроника

Уапсени 12 лица за дрога во училиште, половина од нив малолетни

Грчката полиција уапси 12 лица поради трговија со дрога во училиште во регионот Атика, меѓу кои шест се малолетници. Акцијата ја спровела Дирекцијата за безбедност на Атика, која открила организиран синџир за продажба на наркотични средства, јавуваат грчките медиуми.

Според информациите, осомничените продавале кокаин и хашиш, при што дел од нелегалните активности се одвивале во училишен објект. Надлежните соопштија дека дрогата била дистрибуирана и за време на петдневна училишна екскурзија.

Истрагата продолжува, а против уапсените ќе бидат преземени соодветни законски мерки.

Црна Хроника

Женска пресметка пред локал во Скопје, полицијата интервенираше

Во инцидентот бил вмешан и сопругот на една од учесничките, МВР најави соодветни мерки

На 19 декември 2025 година околу 12:55 часот, во СВР Скопје било пријавено нарушување на јавниот ред и мир пред угостителски објект во Скопје. Според пријавата, И.Ј. (32) од Скопје физички ја нападнала М.Н.Д. (30), исто така од Скопје.

Набргу потоа, во 13:00 часот, било пријавено дека пред истиот угостителски објект И.Ј. била физички нападната од својот сопруг С.Ј. (29), информираат од Министерството за внатрешни работи.

Од МВР соопштуваат дека по целосно документирање на настанот ќе биде поднесен соодветен поднесок.

Црна Хроника

Три пожари во Скопје за една ноќ: Гореше обложувалница и две возила

Во текот на ноќта на 19 декември 2025 година, Скопје беше погодено од три одделни пожари на различни локации, соопшти Министерството за внатрешни работи.

Првиот пожар се случил на 16 декември, кога тенда на обложувалница во Карпош била опожарена во периодот од 18:00 до 19:00 часот. Во инцидентот нема повредени лица, а полицијата продолжува со истрагата.

Истата ноќ, во 00:40 часот, 53-годишниот А.А. пријавил дека неговото патничко возило „мерцедес“ на улицата „Христо Татарчев“ во Кисела Вода се запалило. Пожарот бил изгаснат од екипи на Бригадата за противпожарна заштита, без повредени лица.

Неколку часа подоцна, во 06:49 часот, 52-годишниот Г.Ј. пријавил пожар во своето возило „опел“ на иста улица. И во овој случај нема повредени, а пожарот бил навремено изгаснат.

Од МВР истакнуваат дека продолжуваат активностите за утврдување на причините за пожарите и целосно расчистување на сите случаи.