Црна Хроника

Докторката Пешевска доби условна казна за случајот „Онкологија“

Обвинетата лекарка од Клиниката за онкологија, Мери Пешевска, која призна вина во случајот „Онкологија“, доби условна казна затвор од две години. Казната нема да се изврши доколку во наредните пет години не стори ново кривично дело.

Пешевска се извини на оштетените пациенти, наведувајќи дека тогашниот директор на Клиниката за онкологија, Нино Васев, бил нивен ординирачки доктор, а нејзиниот факсимил бил ставен на шалтер и користен од сите.

Лекарката беше обвинета за несовесно лекување, признавајќи пред судот дека својата лозинка и факсимил за пристап до внатрешниот компјутерски систем на клиниката ги оставала на располагање на други специјалисти и специјализанти. Според обвинителството, токму поради оваа практика, седум пациенти – кои во меѓувреме починале – добиле лекови и терапии кои довеле до влошување на нивната здравствена состојба.

Адвокатот на Пешевска, Влатко Китановски, во завршниот збор истакна дека обвинетата немала намера за лична корист, туку целта ѝ била да им помогне на пациентите. Тој додаде дека оние кои ги злоупотребиле нејзините податоци треба да одговараат за тоа.

Црна Хроника

Драма во Скопје: Возач со мерцедес удрил полицаец и избегал

Лишен од слобода возачот кој во Скопје со возило „мерцедес“ удри во полициски службеник и избега од местото на настанот, следува кривична пријава

Полициски службеници од Одделението за увиди на сообраќајни незгоди при СВР Скопје го пронајдоа и лишија од слобода Д.С. (67) од Скопје, кој на 11.12.2025 во 14:45 часот на кружен тек од ул.„Борис Сарафов“, ул.„Лука Геров“, ул.„Македонски војски“ и бул.„Партизански Одреди“ во Скопје, со патничко возило „мерцедес“ удрил во полицискиот службеник Х.М.(34), кој извршувал службени дејства, по што со возилото го напуштил местото на настанот. Во несреќата Х.М. се здобил со телесни повреди, констатирани во Градската општа болница „Св.Наум Охридски“, а по преземени мерки, возачот Д.С. е пронајден и по насоки на јавен обвинител, против него ќе биде поднесена кривична пријава.

Црна Хроника

Ескалација на конфликт во Аеродром – тепачка на паркинг простор

Жестока расправија на паркинг простор во скопската општина Аеродром кулминираше со физички напад во раните утрински часови денеска.

Околу 02:25 часот, 42-годишниот Ј.Ј. од Пробиштип, пријавил во СВР Скопје дека бил нападнат од О.А. (37) од Скопје. Инцидентот се случил по претходна, очигледно вжештена, вербална пресметка.

Според полицискиот извештај, Пробиштипјанецот е жртва на агресијата, која се случила на паркинг, без да се прецизира дали станува збор за приватен или јавен простор.

Полицијата веднаш презеде мерки за расчистување на случајот. Од СВР Скопје најавуваат дека по целосното документирање и собирање на доказите, против напаѓачот ќе биде поднесен соодветен поднесок – најверојатно кривична пријава за насилство.

Црна Хроника

Падна шверцерска шема на автопатот – возила полни со брендирана стока

Лишени од слобода две лица, запленети 272 парчиња разновидна брендирана стока, 174 парчиња разновиден рачен алат без документација

На 14.12.2025 на автопат Табановце-Куманово, полициски службеници од Мобилната единица за компезаторни мерки при ОГРМ во два одвоени настани ги лишија од слобода Б.И (38) од Куманово и Б.С (41) од Скопје. Полициските службеници прво сопреле патничко возило “Голф” со кумановски регистарски ознаки, управувано од Б.И. и при преглед на возилото пронајдени се 272 парчиња разновидна брендирана стока, без документација. Стоката е одземена, а лицето е лишено од слобода.

Во вториот настан, полициските службеници сопреле патничко возило “мерцедес” со скопски регистарски ознаки, управувано од Б.С. и при преглед на возилото биле пронајдени 174 парчиња разновиден рачен, батериски и електричен алат без документација. Возилото и алатот се одземени, а лицето е лишено од слобода.

По целосно документирање на случаите ќе бидат поднесени соодветни поднесоци.