Игрите на среќа на Државна лотарија одамна се дел од секојдневието, не само како можност за добивка, туку и како мигови на забава, надеж и исчекување. Тие претставуваат мала пауза од рутината – простор за сонување во кој луѓето си ги проектираат сопствените желби. Во тие мигови очекувањето станува дел од доживувањето, а играта добива посебна вредност.

За многумина од играчите, игрите на среќа се поврзани со мали лични ритуали и верувања што му даваат автентичност на секое индивидуално искуство и го прават самиот момент попосебен.

Без разлика дали станува збор за креирање лото комбинација од среќни броеви или купување инстант лозови, ритуалите се секогаш присутни како невидлив соиграч на патот до големите добивки.

Среќните броеви на лото ливчето ретко се само случаен избор. Зад нив стојат лични приказни, моменти и емоции, кои на бројките им даваат значење. За некои тоа се родендените на најблиските, за други датумот на венчавка или други датуми значајни за нив. Многу луѓе ги избираат истите броеви со години како симбол на континуитет и како знак дека нешто познато и свое останува непроменето.

Освен бројките, секој има и сопствени навики и ритуали. Некои играчи сакаат да ја предизвикаат среќата сами, некои во друштво со пријателите, за други е важно да ги уплаќаат своите комбинации на истото место или секогаш во ист ден од неделата. Некој го зема првиот лоз од купчето, некој сака самиот да избира, некои имаат омилен инстант лоз, други избираат различни, а некои секогаш купуваат точно одреден број инстант лозови. Ритуалите се инстинктивен обид за дофат до среќата и во свет полн со промени тие остануваат константа.

Интересно е што овие практики и среќни броеви често се пренесуваат низ генерации. Комбинации што се играат со години и навики што се повторуваат прераснуваат во традиција што ги поврзува луѓето. Приказните и верувањата што стојат зад ритуалите ги трансформираат игрите на среќа во нешто повеќе од случајност и бројки. Токму тие моменти носат дел од среќата и потсетуваат дека надежта е важен дел од секојдневието.

И покрај најавите и обидите за воведување ред во сферата на инфлуенсерскиот маркетинг, интересот за официјална регистрација кај надлежните институции е речиси непостоечки. Во Регистарот на физички лица кои даваат аудиовизуелни медиумски услуги по барање, воспоставен од Агенцијата за аудио и аудиовизуелни медиумски услуги (АВМУ), досега се запишало само едно лице.

Оваа информација беше обелоденета на четвртиот јавен состанок на Агенцијата, на кој директорот Зоран Трајчевски ги презентираше активностите и резултатите за последниот квартал од 2025 година.

Како даватели на АВМУ услуги по барање се третираат инфлуенсерите, влогерите и креаторите на содржини кои остваруваат финансиска корист преку социјалните мрежи. Иако Агенцијата изготви и „Нацрт-Водич за инфлуенсер(к)и и влогер(к)и“ со цел да ги појасни обврските и постапките, тоа очигледно не придонело за поголема подготвеност за регистрација.

Единствено име во регистарот е инфлуенсерката Ксенија Николовска, која на 1 декември 2025 година пријавила активности на Инстаграм и Фејсбук.

За разлика од инфлуенсерите, кај онлајн медиумите постои поголема свест за законските обврски. Во регистарот на интернет портали во моментов се евидентирани 50 издавачи.

Покрај ова, АВМУ информираше и за резултатите од мониторингот за време на изборната кампања за Локалните избори 2025. Покренати се пет прекршочни постапки против радиодифузерите ТВ 24 Вести, ТВ Компани 21-М, ТВ Вистел, ТВ Шутел и ТВ Гурра.

Агенцијата најави и дека се подготвува за мониторинг на повторните локални избори во 2026 година во општините Гостивар и Маврово-Ростуше, додека од регистарот на оператори се избришани „Неотел“ и „Инфел-КТВ“.

Мелиха Имшировиќ , учесничка на „Ѕвезда Гранда“, стана позната во јавноста повеќе по деталите од нејзиниот приватен живот, отколку по учеството во споменатото натпреварување и нејзината кариера по натпреварот.

Пред неколку години, пејачката Дада Мешаљиќ се огласи и откри дека нејзината колешка го „киднапирала“ нејзиниот сопруг додека таа била во друга држава. Таа не му простила за неверството, па раскинала со партнерот, а сè уште самата се грижи за своето дете. 

Во оваа прилика, Мелиха проговори само еднаш, каде што изјави дека не е виновна за распадот на врската на Мешалиќ, но имаше видеа кои докажуваа дека изјавата на Дада е точна.

Тоа што се случи беше пред неколку години и вистина е дека оваа приказна се пренесува низ медиумите речиси месечно, но додека старите приказни се рециклираат, Мелиха ужива во нова љубов, со многу познат музичар чиј идентитет нема да го откриеме сега, пишуваат српските медиуми.

Тој е многу добро познат на јавноста, особено во Босна, од каде што е Мелиха, а нивната љубов се случила затоа што работеле заедно.

– Таа го растури бракот на Дада, жената остана сама со детето, а сега го „смувала“ музичарот кој ги остави сопругата и децата поради неа. Нема да ви кажам со кого била во меѓувреме, бидејќи приказната може да оди предалеку – вели личност од родниот град на „растурачката на бракови“. 

Имав нервни сломови

Пејачката Дада Мешаљиќ била изневерена од нејзиниот сопруг со колешката додека била бремена, по што решила да го остави и сама да ја одгледа ќерка си.

– Тој беше свесен дека сум во блажена состојба и никогаш не покажа милост. Таа реченица сè уште ми одѕвонува во главата до ден-денес и не мислам дека некогаш ќе ја заборавам. Рече дека е згрозен од мене и од нероденото дете. Само не знам како не пресеков по таа реченица кога ја кажа за прв пат, а често ја кажуваше – рече Дада.

Извор: newz24live