Балкан

Хрватски пејач обвинет за семејно насилство – обвинителството предлага двегодишна затворска казна

Општинското кривично државно обвинителство во Загреб поднесе обвинение против хрватски пејач за семејно насилство врз неговата сопруга и малолетно дете, кое според обвинението траело речиси две години. Обвинението денеска беше потврдено во Општинскиот кривичен суд во Загреб, пренесува хрватски Индекс.

Пејачот, чиј идентитет се чува поради заштита на малолетното дете, е обвинет дека ја навредувал сопругата со зборови, го понижувал нејзиното семејство и ја злоупотребувал психички и физички пред детето речиси секојдневно од почетокот на 2021 до октомври 2022 година.

Во обвинението се наведуваат повеќе инциденти, меѓу кои и случај од мај 2021 година кога ги поканил сопругата и детето на маса, им ставил нож за да ги заплаши и ја заклучил вратата за да не можат да си заминат. Во друг случај физички ја повредил ставајќи ѝ ги прстите во ушите.

Ситуацијата ескалирала откако сопругата поднела барање за развод и нашла нова партнерка. Тогаш пејачот ја нарекол „курва“ пред детето и ја понижил, а исто така го понижил и детето со непримерни коментари за неговата интимност.

За време на кривичната постапка против него беа изречени мерки на претпазливост – забрана за приближување, отстранување од домот и забрана за контакт со сопругата.

Обвинителството предлага двегодишна затворска казна, од кои една година безусловна, а другата условна со рок од три години. Судот го потврди обвинението, оценувајќи дека има доволно докази за продолжување на постапката.

Балкан

Пијан возач фатен со 200 км/ч

Припадници на Министерството за внатрешни работи на Србија денес околу 14 часот го запреа Д.В. (39) во Лозница, кој управуваше возило „суди“ со брзина од 200,8 километри на час на дел од патот Лозница – Шабац, каде што ограничувањето е 100 км/ч.

Со алкотестирање е утврдено дека возачот бил во тешка алкохолна интоксикација, со 1,41 промили алкохол во крвта.

Возачот веднаш бил исклучен од сообраќај и задржан во службените простории, а против него е поднесена прекршочна пријава за насилно возење и возење под дејство на алкохол.

Балкан

Вучиќ: Србија има гориво до 15 јануари

Српскиот претседател Александар Вучиќ увери дека Србија има обезбедено доволно керозин, мазут, дизел и бензин најмалку до 15 јануари, а можеби и до 25 јануари, обидувајќи се да ги смири граѓаните по информациите за проблеми во нафтената индустрија.

Иако државата веќе 70 дена функционира без увоз на нафта, Вучиќ истакна дека енергетскиот систем е стабилен и дека нема причина за паника пред претстојните празници. Тој сепак призна дека ситуацијата е комплицирана, особено поради статусот на Нафтната Индустрија Србија (НИС), за што Белград следната недела ќе испрати итни барања до американската канцеларија за контрола на странски средства (ОФАК) за добивање оперативна лиценца.

„Доволно керозин, мазут, дизел и бензин обезбедивме најмалку до 15 јануари, можеби и до 25 јануари. Никој не треба да се грижи, имаме безброј технички проблеми, но државата знае како да ги реши“, рече Вучиќ.

Претседателот потенцираше дека Србија нема да дозволи колапс на енергетскиот сектор и им се заблагодари на граѓаните за поддршката. „Ве уверувам дека ќе имате доволно од сè што е потребно за празниците. Ќе добивате навремени информации за секоја промена“, додаде тој.

Балкан

Тешка несреќа на Дурмитор: Турист загина по пад од жичара, жена тешко повредена

Трагичен инцидент се случи денеска на ски-центарот Савин Кук на Дурмитор, кога две лица – странски туристи – паднале од корпа на ски-лифт, при што едно лице го загуби животот, а друго се здоби со тешки повреди.

Несреќата се случила на жичара број два, во стрмниот втор дел од трасата што води кон Савин Кук. Според првичните информации, загинал маж, додека повредената жена е во свесна состојба и комуникативна.

На терен се ангажирани спасувачки и надлежни служби, кои вршат увид и ја утврдуваат причината за инцидентот. Првичните сознанија укажуваат на можен технички дефект во вториот дел од жичарата, по што корпата во која се наоѓале туристите започнала да се движи наназад.