Повеќе од 2,2 милиони жители на југоисточен Мексико останаа без струја поради дефект на далноводите, соопшти државната енергетска компанија CFE. Прекинот ги зафати државите Јукатан, Кампече и Кинтана Роо, каде што се наоѓаат и популарните туристички дестинации Канкун и Тулум.

Мексиканската претседателка Клаудија Шајнбаум соопшти на социјалната мрежа X дека техничарите веднаш започнале работа на стабилизирање на мрежата. Подоцна информираше дека електричната енергија е вратена во најголем дел од Мерида, главниот град на Јукатан, како и во Кампече и повеќе градови во Кинтана Роо, меѓу кои Четумал, Бакалар и Холбокс.

Од CFE појаснија дека прекинот се случил во петокот, нешто по 14 часот, за време на одржување на далноводот.