Скопје

Ѓорѓиевски: Донација на униформи и ранчиња за учениците со оштетен вид од ДУРДМОВ „Димитар Влахов“

Кандидатот за градоначалник на Скопје, Орце Ѓорѓиевски, денеска заедно со министерката за образование и наука Весна Јаневска и заменик-министерот за социјална политика, демографија и млади, Ѓоко Велковски, го посетија ДУРДМОВ „Димитар Влахов“ во Скопје.

Тие реализираа донација на нови униформи и ранчиња со училишен прибор за учениците со оштетен вид, кои, како што истакнаа, ја покажуваат вистинската храброст во секојдневната борба за знаење и еднакви можности. Претходно, учениците добија и книги на Брајово писмо, ретки и недостапни изданија кои значително ја подобруваат нивната образовна практика.

„Особено ни е чест што бевме покровители на ‘Археолошката Брајова азбука’, издание кое им ја приближува археологијата на децата на еден посебен и пристапен начин“, рече Ѓорѓиевски.

Тие нагласија дека со љубов, посветеност и искрена поддршка можеме да создадеме еднакви услови за секое дете, додавајќи дека „секој ученик заслужува можност да учи, да сонува и да ја гради својата иднина“.

Скопје

Прекин на електрична енергија денеска во Горно Нерези, Глуво и Мирковци

Регионалниот центар за управување со кризи (РЦУК) информира, повикувајќи се на известување од ЕВН Македонија, дека денес од 9:00 до 15:00 часот ќе има прекин во снабдувањето со електрична енергија за корисниците од неколку населени места.

Прекинот ги опфаќа корисниците од селото Горно Нерези и корисниците од селата Глуво и Мирковци.

Станува збор за планиран прекин, а корисниците се повикуваат на трпение до завршувањето на работите.

Скопје

Жителите на одредени делови од Аеродром денес без вода

Јавното претпријатие „Водовод и канализација“ – Скопје информираше за привремен прекин во водоснабдувањето за дел од корисниците лоцирани на булеварот „АСНОМ“, во населбата Аеродром.

Прекинот, кој започна вечерва во 18:45 часот, е предизвикан од уличен водоводен дефект на цевка со дијаметар Ф100 мм, конкретно кај број 74 на булеварот.

Погодени корисници ќе бидат корисниците лоцирани на булевар „АСНОМ“ од број 70 до број 116.

Екипите на ЈП „Водовод и канализација“ се на терен и работат на отстранување на дефектот. Водоснабдувањето ќе биде нормализирано веднаш по завршувањето на работните активности, за што јавноста ќе биде дополнително известена.

Република

Системот „Безбеден град“ ќе санкционира само сериозни прекршоци, најавува Тошковски

Министерот за внатрешни работи Панче Тошковски истакна дека системот „Безбеден град“ ќе се спроведува со прецизно дефиниран праг на толеранција, со цел зголемување на безбедноста во сообраќајот и јавниот простор, а не казнување по секоја цена.

Тошковски нагласи дека системот ќе биде насочен кон препознавање и санкционирање на сериозни и опасни прекршоци, особено оние кои директно го загрозуваат животот и безбедноста на граѓаните. Според него, целта е да се воспостави ред и превенција, а не репресија без разум.

„Ќе има јасни правила, транспарентност и точно утврдени критериуми. Граѓаните ќе знаат што се санкционира и зошто. Системот нема да биде лов на прекршители, туку алатка за заштита на човечки животи“, потенцираше министерот.

Проектот „Безбеден град“ предвидува користење на современи технолошки решенија, камери и софтвер за следење на сообраќајот, со што ќе се подобри контролата и ќе се намали бројот на сообраќајни несреќи.

Министерството најави дека имплементацијата ќе оди фазно, со претходна информираност на јавноста и соодветен период за прилагодување, со цел граѓаните навремено да се запознаат со новиот систем и неговото функционирање