Црна Хроника

Македонски полицаец сам се застрелал… по грешка!

Полициски службеник се повредил во ногата при интервенција за спречување на криумчарење на жив добиток во близина на граничната линија со Албанија, кај селото Спас, во дебарскиот регион.

Според информациите од Министерството за внатрешни работи, инцидентот се случил на 10 октомври 2025 година околу 22 часот, кога полициски службеници од Полициската станица за граничен премин и граничен надзор Блато забележале неколку лица кои се обидувале да пренесат добиток преку границата.

При обид да ги запрат, еден од полициските службеници испукал неколку предупредувачки куршуми во воздух, по што осомничените побегнале и го оставиле добитокот. Во моментот кога полицискиот службеник го враќал службениот пиштол во футролата, по несреќен случај се самоповредил во ногата.

Од МВР соопштија дека е извршен увид на местото на настанот и дека се преземаат мерки за целосно расчистување на случајот.

Црна Хроника

Пијан мопедист заврши во болница по излетување од пат кај Дојран

Ноќта на регионалниот пат Стар Дојран – Нов Дојран, на потегот „Калдрма“, 22-годишниот Д.Б. од Нов Дојран изгубил контрола врз мопед „Хамачи“ и излетал од коловозот. Во незгодата се здобил со телесни повреди, по што бил пренесен во Општата болница во Гевгелија.

Полициската контрола покажала дека возачот бил под дејство на алкохол – измерени 1,60 промили. За настанот е известен јавен обвинител од ОЈО Гевгелија, а по целосно документирање ќе следи пријава за „безобѕирно управување со моторно возило“ по член 297-а од Кривичниот законик.

Црна Хроника

Опожарен автомобил на паркинг во Скопје

С.Ф. (62) од Скопје пријавил в полиција ноќеска дека на паркинг простор на подрачјето на Бит Пазар било опожарено неговото патничко возило „тојота рав 4“ со скопски регистарски ознаки.

Повредени лица нема, а од екипа на Бригадата за противпожарна заштита Скопје пожарот бил изгаснат.

Извршен бил увид и се преземаат мерки за расчистување на случајот.

Црна Хроника

Разбиена кражба во тетовско – Полицијата со брза интервенција

На 10.12.2025 во 13:00 часот во село Жеровјане, тетовско, полициски службеници од Полициското одделение Жеровјане го лишиле од слобода Б.Е.(30) од с.Жеровјане. Тој се сомничи дека во период од неколку денови извршил кражба во напуштена штала во с.Теново, сопственост на Л.И.(22) од с.Теново, при што одзел повеќе предмети. Тој е задржан во полициска станица и по целосно документирање на случајот, против него ќе биде поднесена соодветна пријава.