Црна Хроника

Трагедија на експресниот пат Штип – Велес: Маж почина, младо момче се бори за живот

Во тешка сообраќајна несреќа што се случи денеска околу 14 часот на експресниот пат Штип – Велес, во близина на крстосницата кон селото Иванковци, загина еден маж, а 18-годишно момче од Струмица е тешко повредено.

Според информациите од Министерството за внатрешни работи, несреќата се случила при директен судир на две патнички возила. Увид на местото извршила екипа на СВР Штип, а биле повикани и пожарникари од Противпожарната единица Велес.

Д-р Елена Најдовска од Итната медицинска помош во Велес за МИА изјави дека нивната екипа била повикана во 14:20 часот и пристигнала за десетина минути. Таа потврди дека кај еден од возачите – повозрасен маж – била констатирана смрт на самото место, додека 18-годишното момче од другото возило било повредено во пределот на карлицата, коленото и главата, но било свесно и контактибилно.

По укажаната прва помош, повредениот тинејџер бил пренесен во Ургентниот центар при Општата болница во Велес.

Автомотосојузот на Македонија соопшти дека сообраќајот на експресниот пат Штип – Велес е во прекин во двата правца додека трае увидот.

Црна Хроника

Брутален напад во Тетово: Маж претепан од четири лица на улица

На 15.12.2025 година во 22:20 часот во СВР Тетово, С.Р.(33) од с.Желино пријави дека на улица ,,113″ во Тетово, додека се движел со неговиот пријател, бил физички нападнат од четири лица. Според пријавеното, едниот од нив при нападот користел и метален предмет. Се преземаат мерки за расчистување на случајот.

Црна Хроника

Смртен случај во затворот во Штип – пронајден починат затвореник

Управата на казнено-поправната установа во Штип вчера претпладне известила дека во една од просториите е пронајдено безживотно тело на 40-годишен затвореник од Скопје.

По пријавата во 10:35 часот, увидна екипа и медицински тим излегле на терен. Смртта е потврдена од страна на лекар, кој не забележал знаци на насилство врз починатиот. Јавното обвинителство издаде наредба за вршење на обдукција за расчистување на случајот.

Црна Хроника

Сообраќајна трагедија: Велосипедист го загуби животот по судир со камион во Гостивар

76-годишен маж го загуби животот денеска во сообраќајна несреќа што се случи на една од градските крстосници. Според информациите од МВР, несреќата се случила точно во 12:35 часот на спојот меѓу улиците „Илинденска“ и „Седек Костовски“, кога товарно возило „мерцедес“ удрило во повозрасниот велосипедист.

Иако И.М. бил итно пренесен во Медицинскиот центар во Гостивар, лекарите само ја констатирале неговата смрт. Полицијата реагираше брзо и го лиши од слобода 44-годишниот возач на камионот. По целосно документирање на случајот, против него ќе биде поднесена соодветна кривична пријава во координација со Јавното обвинителство.