Црна Хроника

Двајца малолетници од Скопје пријавени за исчезнати

Полицијата трага по две малолетни лица од Скопје кои се пријавени како исчезнати во текот на вчерашниот и денешниот ден.

Според информациите на Министерството за внатрешни работи, на 14 октомври 2025 година во 00:00 часот во Полициската станица Драчево, лицето С.А. (50) пријавило дека од нивниот дом се оддалечила неговата ќерка Ф.А. (16).

Исто така, на 13 октомври 2025 година околу 11:30 часот во Полициската станица Шуто Оризари, У.Ф. (54) пријавил дека од домот се оддалечил малолетникот Н.С. (13), кој со решение му бил доделен на згрижување.

Полицијата презема мерки за пронаоѓање на малолетниците и нивно безбедно враќање.

Црна Хроника

Тетово: Физички напад во угостителски објект, едно лице повредено со тврд предмет

СВР Тетово поднесе кривична пријава против Р.У.(18) од с.Желино и 16-годишник од с.Групчин поради постоење основи на сомнение за сторено кривично дело „насилство“.

На 22.10.2025, во еден угостителски објект во Тетово, пријавените физички ги нападнале А.Р.(19) од тетовско и 15-годишник од тетовско. При нападот, првопријавениот употребил и тврд предмет, при што е причинета повреда.

Случајот е пријавен и се преземаат мерки за целосно расчистување на инцидентот.

Црна Хроника

Измама со „волшебна амајлија“: Жената оштетена за 60.000 денари

Жена од Делчево била измамена со ветување дека „амајлија“ ќе ги реши сите нејзини семејни проблеми, при што издала 60.000 денари. Полицијата поднесе кривична пријава против 61-годишниот С.Ѓ. од скопското село Сарај поради измама.

Измамникот ја убедил жртвата во моќта на своите услуги во два наврати – во септември 2024 и повторно во март 2025 година, земајќи ѝ по 30.000 денари секојпат. Откако сфатила дека е измамена, жената го пријавила случајот во полиција.

Од МВР соопштуваат дека С.Ѓ. се сомничи за кривичното дело „измама“ и дека против него е поднесена соодветна кривична пријава.

Црна Хроника

Инцидент во Скопје – две возила попречиле пат, следел напад

Вчера во 10:40 часот во СВР Скопје, С.М.(47) од Скопје пријави дека додека се движел со патничко возило од с.Јурумлери, скопско кон населбата Драчево, две возила му го попречиле патот, а од нив излегле М.С. и уште неколку други лица и физички го нападнале, а употребиле и тврди предмети, при што му го оштетиле и возилото.

Се преземаат мерки за расчистување на случајот.