Црна Хроника

АКЦИЈА НА ПОЛИЦИЈАТА ВО СКОПЈЕ: Осум лица уапсени – меѓу нив и млади од 19 години!

Во полициска акција спроведена на 16 и 17 октомври 2025 година на повеќе локации во Скопје, полициските службеници од СВР Скопје ги лишија од слобода осум лица: Л.Ј. (23), В.М. (19), Џ.Ш. (43), Д.Т. (31), А.Б. (25), Д.С. (20), А.В. (32) и В.А. (20), сите од Скопје.

При претреси и контроли кај нив биле пронајдени и одземени бела грутчеста материја, бела прашкаста материја и марихуана.

Осомничените се приведени во полициска станица, а по целосно документирање на случаите ќе следуваат соодветни поднесоци до надлежното обвинителство.

Полициската акција е дел од засилените мерки за сузбивање на трговијата и употребата на дрога во главниот град.

Црна Хроника

Примил мито од 50.000 евра за да влијае кај судија – МВР со детали

Полициски службеници по наредба на јавен обвинител од Основното јавно обвинителство за гонење на организиран криминал и корупција го лишија од слобода Ф.С. поради сторено кривично дело – Примање награда за противзаконито влијание.

Во периодот од октомври до 13.12.2025 година осомничениот примил вкупен износ од 50.000 евра за да посредува и да го искористи своето реално влијание за да интервенира кај судија во Апелациониот суд Скопје и за со поткуп кон судијата да влијае за да се изврши службено дејствие што не би смеело да се изврши.

Првично, осомничениот побарал 100.000 евра за да влијае за укинување на мерка притвор определена кон лице кое е недостапно на органите на прогонот и против кого ОЈОГОКК води друга постапка за кривични дела против јавните финансии, платниот промет и стопанството. На 06.10.2025 година примил дел од побараниот износ и тоа 30.000 евра, што му ги предала сестрата на лицето во бегство. На 13.12.2025 година директно побарал и примил уште 20.000 евра како дел од поткупот што го барал за да го даде на судијата.

Непосредно по примањето на паричните средства осомничениот е лишен од слобода и кај него се пронајдени парите.

Црна Хроника

Лажен полицаец измами старица за 23.300 евра, уапсен на граница

Полицијата од Опатија уапси 46-годишен хрватски државјанин кој измами 79-годишна жена за 23.300 евра. Измамникот се претставувал како полицаец и ја убедил старицата дека истражува хакерски напад врз нејзините банкарски сметки. Тој ја натера да ги подигне сите свои пари за наводна проверка на истрагата.

На 12 декември, жртвата му ги предала парите пред својата куќа, по што измамникот се обидел да ја напушти земјата. Благодарение на брза и координирана акција на полицијата, тој бил уапсен на граничниот премин во Брод-Посавина, а целата украдена сума веднаш била вратена на сопственичката.

Против осомничениот е поднесена кривична пријава, тој е предаден на надзорникот на притвор, а истрагата продолжува.

Црна Хроника

Апсење на граничниот премин „Табановце“ – Полицијата со детали

На граничниот премин „Табановце“ вчера бил уапсен О.А.(27) од Турција. При излез од државата тој не поседувал никакви документи, а по извршени проверки утврдено е дека по барање на Интерпол по него е распишана меѓународна потерница и бил баран за издржување на затворска казна од осум години.

Тој е пренесен во прифатен центар за странци во Скопје за понатамошна постапка.