Црна Хроника

Скопјанка измамена за 36.000 евра со старата метода „лажна сообраќајка“

Седумдесет и едногодишна жена од Скопје останала без 36.300 евра откако станала жртва на старата измама „лажна сообраќајка“, соопшти Министерството за внатрешни работи.

На 16 октомври, во околу 17:20 часот, жената пријавила дека била контактирана телефонски од лице што се претставило како полициски службеник. Имено, измамникот ѝ рекол дека нејзината ќерка имала сообраќајна несреќа и е тешко повредена, додавајќи дека итно треба да се плати операција.

Подоцна, жената била контактирана од друг измамник, овојпат претставувајќи се како лекар, кој ѝ посочил каде да ги остави парите.

Од МВР информираат дека се преземаат мерки за целосно расчистување на случајот и пронаоѓање на сторителите.

Црна Хроника

Брутален напад во Тетово: Маж претепан од четири лица на улица

На 15.12.2025 година во 22:20 часот во СВР Тетово, С.Р.(33) од с.Желино пријави дека на улица ,,113″ во Тетово, додека се движел со неговиот пријател, бил физички нападнат од четири лица. Според пријавеното, едниот од нив при нападот користел и метален предмет. Се преземаат мерки за расчистување на случајот.

Црна Хроника

Смртен случај во затворот во Штип – пронајден починат затвореник

Управата на казнено-поправната установа во Штип вчера претпладне известила дека во една од просториите е пронајдено безживотно тело на 40-годишен затвореник од Скопје.

По пријавата во 10:35 часот, увидна екипа и медицински тим излегле на терен. Смртта е потврдена од страна на лекар, кој не забележал знаци на насилство врз починатиот. Јавното обвинителство издаде наредба за вршење на обдукција за расчистување на случајот.

Црна Хроника

Сообраќајна трагедија: Велосипедист го загуби животот по судир со камион во Гостивар

76-годишен маж го загуби животот денеска во сообраќајна несреќа што се случи на една од градските крстосници. Според информациите од МВР, несреќата се случила точно во 12:35 часот на спојот меѓу улиците „Илинденска“ и „Седек Костовски“, кога товарно возило „мерцедес“ удрило во повозрасниот велосипедист.

Иако И.М. бил итно пренесен во Медицинскиот центар во Гостивар, лекарите само ја констатирале неговата смрт. Полицијата реагираше брзо и го лиши од слобода 44-годишниот возач на камионот. По целосно документирање на случајот, против него ќе биде поднесена соодветна кривична пријава во координација со Јавното обвинителство.