Црна Хроника

Страшна сообраќајка: Пет лица тешко повредени

На 18 октомври 2025 година, околу 16:10 часот, на локалниот пат за село Подгорци, струшко, се случила сообраќајна несреќа помеѓу патничко возило „цитроен берлинго“ управувано од А.О.(45) и патничко возило „цитроен саксо“ управувано од А.Д.(41), сите од с.Подгорци.

Во несреќата, со тешки телесни повреди се здобиле возачот на „цитроен саксо“ А.Д. и неговите сопатници Б.Р.(36) и М.М.(43), како и сопатникот од „цитроен берлинго“ М.О.(48). Возачот А.О. се здобил со телесни повреди. Повредените се пренесени и констатирани во Медицинскиот центар Струга, Специјалната болница „Св.Еразмо“ во Охрид и Комплекс клиники „Мајка Тереза“ во Скопје.

Според информациите од портпаролот на СВР Охрид, Стефан Димоски, се работи на расчистување на несреќата и утврдување на причините за судирот.

Црна Хроника

Лажел дека е туристички агент и украл 6.080 евра

Кривична пријава за измама поднел СВР Куманово против Е.Б.(33) од Куманово.

Како што соопшти полицијата, тој се претставил како вработен во туристичка агенција во Куманово и на измама од едно лице, за резервација за летување за две семејства во Турција, зел 373 890 денари (6.080 евра), соопшти СВР Куманово.

Црна Хроника

Кривична за багеристот што го остави Тетово без струја

СВР Тетово поднесе кривична пријава против Б.А. (44) од с. Боговиње, како и против Ф.А. (45) од с. Боговиње, управител на правен субјект, товарејќи ги за сторено кривично дело „уништување или оштетување на јавни инсталации“.

На 29 септември, првопријавениот во дворот од Клиничка болница Тетово, додека работел со багер во сопственост на правното лице, оштетил електрични кабли за струја, по што, голем дел од градот Тетово останал без електрична енергија.

Црна Хроника

Интервентната полиција приведе тежок криминалец – МВР со детали

Лишено од слобода лице барано со потерница за издржување казна затвор

Денеска (18.12.2025) во 16:30 часот полициски службеници од Единицата за интервентна полиција при СВР Скопје по издадена судска наредба го лишија од слобода Е.Т. (26) од Скопје во врска со сторено кривично дело “Тешка кражба” за издржување на казна затвор во времетраење од три години.

По целосно документирање на случајот лицето ќе биде предадено во казнено-поправна установа.